26 އަހަރުގެ އަންހެނަކަށް ޖިންސީ ފުރައްސާރަކުރި ޑޮކްޓަރެއް ހައްޔަރުކޮށްފި
ސްރީލަންކާގެ ކަހަތުޑުވާ އަވަށުގައި 26 އަހަރުގެ އަންހެނަކަށް ޖިންސީ ފުރައްސާރަކުރި 40 އަހަރުގެ ޑޮކްޓަރެއް ހައްޔަރުކޮށްފިއެވެ.
އެ ޤައުމުގެ މީޑިއާތަކުން ހާމަކޮށްފައިވާ ގޮތުގައި މި ނޮވެމްބަރު މަހުގެ 12ވަނަ ދުވަހު ވަތަރާ ޑިސްޓްރިކްޓް ހޮސްޕިޓަލްގެ އޯޕީޑީއަށް ޑޮކްޓަރަށް ދެއްކުމަށް އެ އަންހެންމީހާ ދިޔަކަމަށާއި އޭނާގެ ކުޑަކަމުދާތަކެތި ޓެސްޓުކޮށް ނަތީޖާ ލިބުމުން، އަނެއްކާ ވެސް ދެއްކުމަށް ޑޮކްޓަރު ބުނެފައިވާކަމަށް ވެއެވެ.
އެ އަންހެންމީހާ ނޮވެމްބަރު 19 ވަނަ ދުވަހު ރިޕޯޓް ދެއްކުމަށް ހޮސްޕިޓަލަށް ދިއުމުން އޭނާގެ އިތުރަށް ޗެކް ކުރުމަށް ބޭނުންވާކަމަށް ޑޮކްޓަރު ބުނެ، އޭނާގެ އެހީތެރިއެއް ވެސް ޑޮކްޓަރުގެ ކޮޓަރިއަށް ނުވައްދާ، ޑޮކްޓަރު ވަނީ އޭނާއަށް ޖިންސީ ފުއްސާރަ ކޮށްފައިކަމަށް ފުލުހުންނާ ހަވާލާދީ މީޑިއާތައް ބުނެއެވެ.
މި މައްސަލަގައި ޑޮކްޓަރު ހައްޔަރުކޮށްފައި ވަނީ ދެ ފަރާތުގެ ބަޔާން ނެގުމަށް ފަހު، މައްސަލަ އިތުރަށް ތަހްޤީޤު ކުރުމަށްކަމަށް މީޑިއާތަކުން ބުނެފައި ވެއެވެ.
