Monday, 16 November 2026
Advertisement
Allied Insurance (leaderboard)
ޚަބަރު

މާވަށަށް މަސްތުވާތަކެތި އެތެރެކުރަން އުޅުނު މީހަކު ހައްޔަރުކޮށްފި

މާވަށަށް މަސްތުވާތަކެތި އެތެރެކުރަން އުޅުނު މީހަކު ހައްޔަރުކޮށްފި

ލ. އަތޮޅު މާވަށަށް މަސްތުވާތަކެތި އެތެރެކުރަން އުޅުނުކަމުގެ ތުހުމަތުގައި މީހަކު ހައްޔަރުކޮށްފައިވާ ކަމަށް ފުލުހުންގެ ޚިދުމަތުން ބުނެފިއެވެ.

މި މައްސަލަގައި ހައްޔަރުކޮށްފައި ވަނީ ލ. މާވަށު / ލިލީނައިޓް، މުޙައްމަދު ވިޝާހު ޢަލީ (24އ) ކަމަށް ފުލުހުން މަޢުލޫމާތުދެއެވެ. އަދި މި މީހާ ހައްޔަރަށް ގެނެވުނީ، ލ. ފޮނަދޫއިން އިން ލ. މާވަށަށް ދަތުރުކުރާ ލޯންޗަކުން މަސްތުވާތަކެތި އެތެރެކުރަން އުޅޭކަމުގެ މަޢުލޫމާތެއް ލިބިގެން، މާވަށު ފުލުހުންގެ އިދާރާއިން މި މަހުގެ 24ވަނަ ދުވަހު ހިނގި އޮޕަރޭޝަނުގައި އެ ލޯންޗު މާވަށު ބަނދަރަށް ކައިރި ކުރުމުން، އެ ލޯންޗުގެ ތެރެއިންކަމަށް ފުލުހުން ބުނެފައިވެއެވެ.

ފުލުހުން ބުނީ، ވިޝާހް އެވަގުތު އެ ލޯންޗުގައި އިން ކަމަށާއި އޭނާ ބަލައި ފާސް ކުރުމުން، މަސްތުވާތަކެތި ކަމަށް ޝައްކު ކުރެވޭ އެއްޗެއް އަޅާފައިހުރި 8 ސެލޯފިންކޮޅު ފެނިފައިވާ ކަމަށެވެ. އަދި އެ ތަކެތީގެ ވަގުތީ ބަރުދަނުގައި 2.52 ހުންނާނެކަމަށް ވެސް ފުލުހުން މަޢުލޫމާތުދެއެވެ.

Advertisement
Ooredoo — Square (box)

މި މައްސަލަގައި ވިޝާހުގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ވަނީ 10 ދުވަހަށް ބަންދުގައި ބެހެއްޓުމަށް އަމުރުކޮށްފައި ކަމަށާއި މި މައްސަލަ އިތުރަށް މާވަށު ފުލުހުންގެ އިދާރާއިން ތަހްޤީޤު ކުރަމުންދާކަމަށް ފުލުހުން ބުނެފައި ވެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.