އިންޑޮނޭޝިއާއަށް ބޯކޮށް ވާރާވެހި މަރުވި މީހުންގެ ޢަދަދު 300 އަށް!
އޭޝިއާ ސަރަހައްދުގެ ޤައުމުތަކަށް ތޫފާނެއްގެ އަސަރުކޮށް، މިހާރު އިންޑޮނޭޝިއާއަށް ކުރަމުންދާ ވިއްސާރައިގައި މަރުވި މީހުންގެ ޢަދަދު 300 އަށްވުރެ މައްޗަށް އަރައިފިއެވެ.
ބޭރުގެ މީޑިއާ ތަކުގެ ރިޕޯޓްތައް ބުނާ ގޮތުން، އިންޑޮނޭޝިއާގެ އުތުރު ސުމަޓްރާ ޕޮރޮވިންސަށް ބޯކޮށް ވާރޭވެހި ބިންގަނޑު ކަނޑައިގެން ދިއުމުގެ ޙާދިސާތަކުގައި ވަނީ ބޮޑެތި ގެއްލުންތަކެއް ލިބި، 100 އަށްވުރެ ގިނަ މީހުން ގެއްލިފައެވެ. އަދި އެތަށް ބައެއްގެ ގެދޮރު ގެއްލި، އަނިޔާވި މީހުންގެ ޢަދަދު 500 އަށްވުރެ މަތިވާނެކަމަށް މީޑިއާތަކުން މަޢުލޫމާތުދެއެވެ.
އެ ޤައުމުގެ ކަމާބެހޭ އިދާރާތަކުން ޙާލުގައި ޖެހުނު ފަރާތްތަކަށް އެހީތެރިކަން ފޯރުކޮށްދެމުން އަންނަކަމަށާއި ބިންގަޑު ކަނޑައިގެން ދިއުމުގެ ސަބަބުން މަގުތައް ބަންދު ވެފައިވާތީ ޚިދުމަތްތައް ފޯރުކޮށް ދިނުމަށް ދަތިތަކެއް ކުރިމަތިވެފައިވާކަމަށް ކަމާބެހޭ އިދާރާތަކާ ހަވާލާދީ މީޑިއާތަކުން ބުނެއެވެ.
