އެމްއެމްއޭގެ ފައިނޭންޝިއަލް އިންޓެލިޖެންސްގެ ޔުނިޓްގެ ހެޑް ސާޖިދު ސަސްޕެންޑްކޮށްފި
މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ފައިނޭންޝިއަލް އިންޓެލިޖެންސްގެ ޔުނިޓް(އެފްއައިޔޫ)ގެ ހެޑް އިސްމާއިލު ސާޖިދު ސަސްޕެންޑްކޮށްފިއެވެ.
"ދެން" އަށް އެނގިފައިވާ ގޮތުން މިދިޔަ އަންގާރަ ދުވަހުން ފެށިގެން ސާޖިދު ހުންނެވީ ސަސްޕެންޝަންގަ އެވެ. ނަމަވެސް އޭގެ ސަބަބެއް އަދި ސާފެއް ނުވެއެވެ. އަދި އެކަމާ ގުޅޭ ސީދާ މައުލޫމާތު އެމްއެމްއޭއިން މީޑިއާތަކާ ހިއްސާއެއް ވެސް ހިއްސާކޮށްފައި ނުވެއެވެ.
ސާޖިދު އެފްއައިޔޫގެ ވެރިއަކަށް އައްޔަނުކުރީ މިދިޔަ އޮގަސްޓު މަހުއެވެ. އޭނާ އެ މަގާމަށް އައްޔަނުކުރީ ކުރިން އެ މަގާމުގައި ހުންނެވި އަބްދުﷲ އަޝްރަފް އެހެން ޑިޕާޓްމަންޓަކަށް ބަދަލުކުރުމަށް ފަހުއެވެ.
އެމްއެމްއޭގެ އެފްއައިޔޫގެ ވެރިޔާގެ މަގާމުގެ ކުރިން ސާޖިދު ހުންނެވީ ޓެކްސް އެޕީލް ޓްރައިބިއުނަލްގެ މެމްބަރުކަމުގެ މަގާމުގައެވެ. ނަމަވެސް ފަހުން ސާޖިދު ވަނީ އިސްތިއުފާ ދެއްވައިފައެވެ.
Ads by STO
