ތެލުގެ ހޭދަ ހުއްޓާލަން ސޮނޭވާ ސީކްރެޓް މޫދުގައި ފްލޯޓިން ސޯލާ
ރާއްޖޭގެ ފަތުރުވެރިކަމުގެ ދާއިރާގައި ތިމާވެއްޓާ ރައްޓެހި ހަކަތަ ބޭނުންކުރުމަށް ކުރަމުންދާ މަސައްކަތުގެ ދަށުން، ސޮނޭވާ ސީކްރެޓް ރިސޯޓުގައި މޫދުގައި އޮންނަ ފްލޯޓިންގް ސޯލާ ޕީވީ މަޝްރޫއެއް ކާމިޔާބުކަމާއެކު ނިންމާލައިފިއެވެ.
އެ ރިސޯޓުން ބުނެފައިވާ ގޮތުގައި މި ނިޒާމު ގާއިމްކޮށްފައިވަނީ ޗައިނާގެ ޖީސީއެލް އާއި އޯޝަން ސަން ގުޅިގެންނެވެ. މި މަޝްރޫއު ވެގެންދާނީ ރާއްޖޭގެ ރިސޯޓެއްގައި ތެލަށް ކުރާ ހޭދަ ކުޑަކުރުމަށް އެޅުނު މުހިންމު ފިޔަވަޅެކެވެ.
މަޝްރޫއާއެކު އަންނާނެ ބަދަލު
ސޯލާ ޕެނަލް: މި ސިސްޓަމްގައި ކަނޑުގެ މާހައުލަށް ޚާއްސަކޮށް އުފައްދާފައިވާ 4,200 އަށްވުރެ ގިނަ ބޭނުންކޮށްފައިވެއެވެ.
ތެޔޮ ސަލާމަތްކުރުން: މި ސިސްޓަމްގެ ސަބަބުން އަހަރަކު ގާތްގަނޑަކަށް އެއް މިލިއަން ލީޓަރުގެ ޑީސަލް ސަލާމަތްކުރެވޭނެ ކަމަށް އަންދާޒާކުރެވެއެވެ.
އިއާދަކުރަނިވި ހަކަތަ: ރިސޯޓަށް އަހަރެއްގެ މައްޗަށް ބޭނުންވާ ކަރަންޓުގެ 90 އިންސައްތަ މި ސިސްޓަމުން ފޯރުކޮށްދޭނެއެވެ.
ތިމާވެށި: މީގެ ސަބަބުން އަހަރަކު ޖައްވަށް ދޫކުރާ ކާބަންޑައިއޮކްސައިޑްގެ މިންވަރު 2,000 ޓަނަށްވުރެ އިތުރަށް މަދުކުރެވޭނެއެވެ.
މި މަޝްރޫއުގައި ބޭނުންކޮށްފައިވާ ސޯލާ ޕެނަލްތަކަކީ ކަނޑުގެ ލޮނާއި ރާޅާއި އަދި ގަދަވައިގެ ސަބަބުން ލިބޭ ގެއްލުންތަކުން ރައްކާތެރިވުމަށް ޚާއްސަ ޓެކްނޮލޮޖީއެއް ބޭނުންކޮށްގެން ހަދާފައިވާ ތަކެއްޗެވެ. މީގެ ތެރޭގައި ދަބަރު ނުޖަހާ ފްރޭމްތަކާއި ވަރުގަދަ ބިއްލޫރި އަދި ފެން ނުވަންނަ ގޮތަށް ހަދާފައިވާ ޖަންކްޝަން ބޮކްސްތައް ހިމެނެއެވެ.
މި މަޝްރޫއަކީ ރާއްޖޭގެ ރިސޯޓްތައް "ނެޓް-ޒީރޯ" ނުވަތަ ތިމާވެއްޓަށް ގެއްލުން ނުދޭ ތަންތަނަށް ހެދުމަށް ކުރާ މަސައްކަތަށް ލިބުނު ބޮޑު ކުރިއެރުމެކެވެ. ސޮނޭވާ ބްރޭންޑަކީ އަބަދު ވެސް ތިމާވެށީގެ ކަންކަމުގައި ދުނިޔޭގެ ފެންވަރުގައި ނަމޫނާ ދައްކަމުންދާ ބްރޭންޑެކެވެ.
