Monday, 16 November 2026
Advertisement
MWSC — SmartMeter (leaderboard)
ޚަބަރު

ތައުލީމު އުނގެނުމާއި އުނގަންނައި ދިނުމަކީ ގައުމީ ބޮޑު ޒިންމާއެއް: ރައީސް

ތައުލީމު އުނގެނުމާއި އުނގަންނައި ދިނުމަކީ ގައުމީ ބޮޑު ޒިންމާއެއް: ރައީސް

ތައުލީމު އުނގެނުމާއި އުނގަންނައި ދިނުމަކީ ވެސް ވަރަށް ބޮޑު ދީނީ އަދި ގައުމީ ޒިންމާއެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ދިރާސީ އާ އަހަރުގެ ކިޔެވުން ފެށުމާ ގުޅިގެން ރައީސް މިއަދު ސޯޝަލްމީޑިއާގައި ކުރެއްވި ޕޯސްޓެއްގައި ވިދާޅުވީ، ތައުލީމު އުނގެނުމާއި އުނގަންނައި ދިނުމަކީ ބޮޑު ޒިންމާއަކަށްވާ އިރު، ދިވެހިން އެދޭ ފާގަތި ކުރިމަގު މި ގައުމަށް ހޯދައިދެވޭނީ އެ ޒިންމާ އަދާކުރުމުގައި އެންމެން އެއްބާރުލައި، އިހުލާސްތެރިވީ މިންވަރަކުން ކަމަށެވެ.

އެމަނިކުފާނު ވިދާޅުވީ އިސްލާމް ދީނަށާއި ދިވެހި ގައުމަށް ލޯބިކުރާ، އުޅުމާއި ސްކޫލު ރަނގަޅު، ހަރުދަނާ އަދި ހީވާގި ދަރިންތަކެއް މި ގައުމުގައި ބިނާކުރެވޭނީ، ތައުލީމާއި ތަރުބިއްޔަތަށް އަހައްމިއްޔަތުކަން ދީގެން ކަމަށެވެ.

Advertisement
HDC — Sidebar (box)

މި އަހަރަށް ސްކޫލްތަކުގެ ކިޔެވުން ފަށާއިރު، ތައުލީމީ ދާއިރާގެ އެންމެހާ ހިންގުންތެރިންނަށާއި ޓީޗަރުން އަދި ބެލެނިވެރިންނާއި ދަރިވަރުންނަށް ރައީސް ވަނީ ކާމިޔާބީއަށް ވެސް އެދިވަޑައިގެންފައެވެ. އަދި ތައުލީމީ ނިޒާމު ހަރުދަނާކޮށް ކުރިއެރުމަށާއި ހެޔޮލަފާ، ތޫނުފިލި، އުޅުން ރީތި ދަރިވަރުންތަކެއް ދިވެހި ތައުލީމީ ހިޔާވަހިތަކުގައި ބޮޑެތި ކުރުމުގެ ހެޔޮ ތައުފީގު ދެއްވުމަށް އެދި ދުއާ ވެސް ކުރައްވައިފައި ވެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.