ރޭ ، ބްރިޖު ކައިރީ ހިނގި އެކްސިޑެންޓުގައި އަނިޔާވި 16އަހަރުގެ ކުއްޖާ ނިޔާވެއްޖެ
ރޭ ، ބޮޑުތަކުރުފާނު މަގު، ބުރިޖު ކައިރީ ހިނގި އެކްސިޑެންޓުގައި އަނިޔާވި 16އަހަރުގެ ކުއްޖާ ނިޔާވެއްޖެއެވެ.
ދިވެހި ފުލުހުންގެ ޚިދުމަތުން ބުނީ، މި އެކްސިޑެންޓް ހިނގީ ބާރު ސްޕީޑްގައި ދުއްވާފައި ދިޔަ ސައިކަލެއް ކޮންޓްރޯލް ނުވެ، ޕޭމަންޓް މައްޗަށް އަރައިގެންކަމަށެވެ. އަދި ރޭ 1:30 ކަންހާއިރު ހިނގި މި އެކްސިޑެންޓުގައި ސައިކަލް ދުއްވަން އިން 19އަހަރުގެ ފިރިހެންމީހާއާއި ފަހަތުގައި އިން 16އަހަރުގެ ކުއްޖާއަށް އަނިޔާވެގެން ހޮޮސްޕިޓަލަށް ގެންދިޔަ ކަމަށާއި 16 އަހަރުގެ ކުއްޖާ ނިޔާވެފައިވާ ކަމަށެވެ.
ސައިކަލް ދުއްވަން އިން މީހާއަކީ ސައިކަލް ދުއްވުމުގެ ލައިސަންސް ނޯންނަ މީހެއް ކަމަށް ވެސް ފުލުހުން ބުންޏެވެ.
ފުލުހުން ދަނީ މި މައްސަލަ ތަހުގީގް ކުރަމުންނެވެ.
ފުލުހުންގެ ޚިދުމަތުން އާންމުކޮށްފައިވާ ތަފާސްހިސާބުތައް ދައްކާ ގޮތުން ރަމަޟާން މަސް ފެށުނު ފަހުން މާލެ ސަރަޙައްދުގައި ހިނގާ އެކްސިޑެންޓު ވަނީ ވަރަށް ބޮޑަށް ގިނަ ވެފައެވެ. އެ ގޮތުން މި ފެބްރުއަރީ މަހުގެ 15އިން 21ގެ ނިޔަލަށް މާޅެ ސަރަހައްދުގައި 41 އެކްސިޑެންޓް ހިނގައިފައި ވެއެވެ.
Ads by STO
