Tuesday, 17 November 2026
Advertisement
Ooredoo — Airfibre (leaderboard)
ޚަބަރު

ކެމްޕޭންއަށް ރައީސްގެ އަނބިކަނބަލުން ސާޖިދާ ތިނަދޫގައި

ކެމްޕޭންއަށް ރައީސްގެ އަނބިކަނބަލުން ސާޖިދާ ތިނަދޫގައި

ކުރިއަށް އޮޮތް ލޯކަލް ކައުންސިލް އަދި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ އިންތިހާބުގެ ކެމްޕޭންއަށް ރައީސް ޑރ. މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދު ގދ. ތިނަދޫއަށް ވަޑައިގަންނަވައިފިއެވެ.

ވެރިކަން ކުރާ ޕީއެންސީގެ އެކްސް އެކައުންޓުން މިއަދު ކުރި ޕޯސްޓްތަކެއްގައި ވަނީ ސާޖިދާ ކެމްޕޭންގައި އުޅުއްވާ މަންޒަރުތައް ފެންނަ ފޮޓޯތަކެއް ހިއްސާކޮށްފައެވެ.

އެގޮތުން ޕީއެންސީގެ ތިނަދޫ ސިޓީގެ ކެންޑިޑޭޓުންގެ، ދޮރުން ދޮރަށް ހަރަކާތުގައި ސާޖިދާ ބައިވެރިވެވަޑައިގެންނެވި ކަމަށް ވެސް އެ ޕާޓީން ބުންޏެވެ.

Advertisement
Ooredoo — Square (box)

https://twitter.com/pnc_secretariat/status/2036007524697280590

ސާޖިދާ ކެމްޕޭންއަށް އަތޮޅު ތެރެއަށް ވަޑައިގެންނެވި ނަމަވެސް ރައީސް މުއިއްޒު އަތޮޅުތެރެއަށް ވަޑައެއް ނުގަންނަވައެވެ. އެމަނިކުފާނު މިދިޔަ ފެބްރުއަރީ މަހު ވިދާޅުވީ އިންތިހާބުތަކާ ދިމާކޮށް ރަށްރަށަށް ދިއުމަކީ އެމަނިކުފާނުގެ ސިޔާސަތެއް ނޫން ކަމަށެވެ.

ނަމަވެސް މާލޭގައި ބޭއްވި ދޮރުން ދޮރަށް ކެމްޕޭން ހަރަކާތްތަކުގައި ރައީސް މުއިއްޒު ބައިވެރިވެވަޑައިގެންނެވިއެވެ.

އިންތިހާބު ފެށުމުގެ ކުރިން ވެސް ޕީއެންސީއަށް ވަނީ 70ގޮނޑި ކާމިޔާބުކުރެވިފައެވެ.

ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބު އޮންނާނީ އަންނަ އޭޕްރީލް މަހުގެ ހަތަރުވަނަ ދުވަހުއެވެ.

ޕީއެންސީގެ އިސް ބޭފުޅުން ވިދާޅުވަމުންދާ ގޮތުން އެ އިންތިހާބު އެ ޕާޓީން ބޮޑުތަކުން ކާމިޔާބުކުރާނެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.