އިންޑިއާ ސިފައިންގެ އަދަދު ހާމަކޮށްގެން ދެ ޤައުމުގެ ދެމެދުގައިވާ ގުޅުމަށް ބުރޫއަރާފާނެ: ޑިފެންސް މިނިސްޓްރީ
ރާއްޖޭގައި ތިބޭ އިންޑިއާ ސިފައިންގެ އަދަދާއި އެކަމާއި ގުޅުން ހުރި އެހެން މައުލޫމާތު ހާމަކުރެެވެން ނެތް ކަމަށާއި އެމައުލޫމާތު ހާމަ ކޮށްފިނަމަ އޭގެ ސަބަބުން ދެ ގައުމުގެ ދެމެދުގައިވާ ގުޅުމަށް ބުރޫއަރައިފާނެ ކަމަށް ޑިފެންސް މިނިސްޓްރީން ބުނެފި އެވެ.
އޮންލައިން ނޫސް "ދިޔަރެސް" ރާއްޖޭގައި ތިބޭ އިންޑިއާ ސިފައިންނާ ގުޅޭގޮތުން ޑިފެންސް މިނިސްޓްރީ އާއި ސުވާލުކޮށް އެމައުލޫމާތު ނުލިބުމުން ވަނީ އިންފޮމޭޝަންސް ކޮމިޝަނަށް ހުށަހަޅާފައެވެ.
އެހެންކަމުން މިއަދު އިންފޮމޭޝަން ކޮމިޝަނަރު ބޭއްވެވި އަޑުއެހުމުގައި ހުސެން ފިޔާޒު ވަނީ ޑިފެންސް މިނިސްޓްރީގެ އިންފޮމޭޝަން އޮފިސަރު މުހައްމަދު ޝިމާހުއާ އެސުވާލު ކުރައްވައިފައެވެ.
އެސުވާލުގެ ޖަވާބުގެ ގޮތުގައި ޑިފެންސްގެ ފަރާތުން ޝިމާހު ވިދާޅުވީ ގައުމީ ސަލާމަތަށް ނުރައްކާވާ ކަމެއްގެ ގޮތުގައި ކަނޑައަޅަނީ، ސިފައިންގެ ގާނޫނުގެ ދަށުން ކަނޑައަޅާފައިވާ ލަފާދޭ މަޖިލީހަކުން އެ އިރެއްގެ ހާލަތަށް ރިއާޔަތްކޮށް ކަމަށެވެ. އަދި ގައުމީ ސަލާމަަތަށް ނުރައްކާވެދާނެ ފަދަ ކަމެއް ނުވަތަަ އެ މައުލޫމާތެއް ދޫކުރުމުން ފޫނުބެއްދޭ ފަދަ ގެއްލުމެއް ފޯރާނެކަމުގެ ބިރު އޮތް ނަމަ، އެ މައުލޫމާތު ހިފެހެއްޓުމުގެ އިހްތިޔާރު އެ އިދާރާއަކަށް ލިބިގެންވާ ކަމަށް އޭނާ ވިދާޅުވި އެވެ.
"އަދި އެހެން ގައުމަަކާ ނުވަތަ ބައިނަލްއަގްވާމީ ޖަމިއްޔާއަކާ އޮތް ގުޅުމެއްގެ ތެރެއިން ނުވަތަ އެއްބަސްވުމެއްގެ ތެރެއިން ލިބޭ މައުލޫމާތު، އޭގެން ދެ ގައުމުގެ ދެމެދުގައި އޮންނަ ގުޅުމަށް އަސަރުކޮށްފާނެ ފަދަ ހާލަތެއް އޮތް ނަމަ އާއްމުނުކޮށް ހިފެހެއްޓިދާނެ" ޝިމާހު ވިދާޅުވި އެވެ.
ޤައުމުުގެ ތިޔަފަދަަ މަޢުލޫުމާތުު ހާމަކުރެވެންް ނެތުމަކީީ ޤަޢުމީީ ސަލާމަތަށް ހުރިި ނުރައްކަލެއްް ނޫންް ދޯ!
ޤައުމަކީީ ދިވެހިި ހުރިހަަާ ރައްޔިތުންގެެ ހައްޤެއްް. ސަރުކާރުގެެ ވިޔަފަާރިި މުދާގަނޑެއްް ނޫންް.
ބުރު އަރައިގެން ބުރޫ ނުފިލިއަސް ބޭރުގެ އަސްކަރިއްޔާގެ ބަޔަކު ތިބިނަމަ ތިބި ބޭނުން މުއްދަތު މި ސަރުކާރުގެ ވެރިން ނޫނީ. ކޮންމެ ރައްޔިތަކުވެސް އެނގެން ބޭނުންވާ ކަމެއް.