Tuesday, 17 November 2026
Advertisement
MWSC — SmartMeter (leaderboard)
ޚަބަރު

މާލޭގައި ހިންގާ ޤަވާއިދާ ޚިލާފު ވިޔަފާރިތަކެއް ރޭޑުކޮށް ތިން ބިދޭސީއަކު އަތުލައިގަނެފި

މާލޭގައި ހިންގާ ޤަވާއިދާ ޚިލާފު ވިޔަފާރިތަކެއް ރޭޑުކޮށް ތިން ބިދޭސީއަކު އަތުލައިގަނެފި

މާލޭގައި ބިދޭސީން ހިންގަމުންދާ ޤަވާއިދާ ޚިލާފު ވިޔަފާރިތައް ހުއްޓުވުމުގެ މަޤުޞަދުގައި މޯލްޑިވްސް އިމިގްރޭޝަނުން އިއްޔެ ހިންގި ޚާއްޞަ އޮޕަރޭޝަނެއްގައި ހަތް ތަނެއް ބަލައިފާސްކޮށް، ތިން މީހަކު އެ އިދާރާގެ ބެލުމުގެ ދަށަށް ގެންގޮސްފިއެވެ.

ޤަވާއިދާ ޚިލާފަށް އުޅޭ ބިދޭސީން ހޯދުމަށް އެކުލަވާލާފައިވާ ޓާސްކްފޯހުން ހިންގި މި ހަރަކާތުގައި، އެކި ތަންތަނުގައި މަސައްކަތްކުރަމުންދިޔަ ފަނަރަ ބިދޭސީއެއްގެ މަޢުލޫމާތު ވަނީ ސާފުކޮށްފައެވެ. އޭގެ ތެރެއިން އިމިގްރޭޝަންގެ ބެލުމުގެ ދަށަށް ގެންދިޔައީ ރާއްޖޭގައި އުޅުމުގެ ހުއްދަ ނެތި ސިއްރުން މަސައްކަތްކުރަމުންދިޔަ ތިން މީހެކެވެ.

https://twitter.com/ImmigrationMV/status/2051711795606507551

Advertisement
Allied — Dhen Online (box)

މުޅި ރާއްޖޭގައި ބިދޭސީންގެ މަޢުލޫމާތު އެއްކުރުމަށް ސަރުކާރުން ފަށާފައިވާ ބޮޑު މަޝްރޫޢުގެ ދަށުން، މިހާތަނަށް ދެ ލައްކަ ދެހާހަށްވުރެ ގިނަ މީހުންގެ ރެކޯޑުތައް ވަނީ ނަގާފައެވެ. މީގެ އިތުރުން، އެހެން ފަރާތްތަކުގެ ނަމުގައި ކޯޓާ ހޯދައިގެން މަސައްކަތްކުރާ ފަރާތްތައް ޤަވާއިދަށް ފެތުމަށް ދިން އެންމެ ފަހުގެ މުހުލަތު މި ހިނގާ މަހުގެ ދެވަނަ ދުވަހަށް ވަނީ ހަމަވެފައެވެ.

ދީފައިވާ މުއްދަތު ހަމަވުމަށްފަހު ޤަވާއިދަށް ފެތުމުގެ އިތުރު ފުރުސަތެއް ދިނުމަށް ސަރުކާރުން ނިންމާފައިނުވާއިރު، އަންނަ އަހަރުން ފެށިގެން ޤަވާއިދާ ޚިލާފަށް އުޅޭ ބިދޭސީން ފެނިއްޖެނަމަ އެއްވެސް އިންޒާރަކާ ނުލައި ވަގުތުން ޑީޕޯޓުކުރާނެކަން ކަމާބެހޭ ފަރާތްތަކުން ވަނީ ހާމަކޮށްފައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.