ރައީސް އޮފީހުގެ އިސް މަގާމަކަށް ކުރީގެ ސިއްހީ ބެހޭ ވަޒީރު ނާޒިމް އައްޔަންކުރައްވައިފި

ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕޮލިސީ އެންޑް މެނިފެސްޓޯގެ މަގާމަށް ކުރީގެ ސިއްހީ ވަޒީރު އަބްދުﷲ ނާޒިމް އިބްރާހީމް އައްޔަންކުރައްވައިފިއެވެ.

ސަރުކާރު ހިންގުމުގެ މުހިންމު ދާއިރާއަކާ ގުޅޭގޮތުން ރައީސް އޮފީހުގައި އުފައްދަވާފައިވާ އިސް މަގާމަކަށް ނާޒިމް އައްޔަންކުރެއްވީ، އޭނާގެ ކިބައިގައިވާ ދައުލަތް ހިންގުމުގެ ތަޖުރިބާގެ އަލީގައެވެ.

ނަޒީމް އެންމެ ފުރަތަމަ ހުންނެވީ ރައީސް އޮފީހުގެ ޕަބްލިކް ޕޮލިސީގެ ޕްރިންސިޕަލް ސެކްރެޓަރީގެ މަގާމުގައެވެ. އޭގެފަހުން ސިއްހީ ވުޒާރާގެ އެންމެ އިސްވެރިޔާގެ ހައިސިއްޔަތުން އެމަނިކުފާނު ވަނީ ގިނަ ހިދުމަތްތަކެއް ވެސް ކުރައްވާފައެވެ.