Tuesday, 17 November 2026
Advertisement
Allied Insurance (leaderboard)
ޚަބަރު

ޒަކާތު ސްކޮލަރޝިޕަށް ކުރިމަތިލާއިރު އެމްކިއުއޭގެ ލިޔުން ހުށަހެޅުމުގައި ލުޔެއް ދީފި

ޒަކާތު ސްކޮލަރޝިޕަށް ކުރިމަތިލާއިރު އެމްކިއުއޭގެ ލިޔުން ހުށަހެޅުމުގައި ލުޔެއް ދީފި

މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ)އިން ދޫކުރާ ލިޔުން އެޕްލިކޭޝަނާ އެކު ވަގުތު ހުށަހަޅަން ނުޖެހޭނެ ކަމަށް މޯލްޑިވްސް ޒަކާތު ހައުސްއިން ހާމަކޮށްފިއެވެ.

ޒަކާތު ހައުސްއިން އާންމުކޮށްފައިވާ އުސޫލުގައިވާ ގޮތުން، ސްކޮލަރޝިޕަށް އެދޭ ފޯމާ އެކު ހުށަހަޅަންޖެހޭ ކަރުދާސްތަކުގެ ތެރޭގައި އެމްކިއުއޭގެ "ރިކޮގްނިޝަން އޮފް ދަ އިންޓެންޑެޑް ޕްރޮގްރާމް" ލިޔުން އޮތުން ލާޒިމުކޮށްފައިވެއެވެ. އެހެންނަމަވެސް، އެ ލިޔުން ދޫކުރުމަށް އެމްކިއުއޭއިން ޕްލޭސްމެންޓް ލެޓާއަކަށް ޝަރުތުކުރާނަމަ، އެ ފަދަ ދަރިވަރުން ފޯމުލާއިރު އެ ލިޔުން ބޭނުމެއް ނުވާނެއެވެ. އޭގެ ބަދަލުގައި، ޕްލޭސްމެންޓް ލެޓާ ލިބޭހާ އަވަހަކަށް އެމްކިއުއޭގެ ލިޔުން ހޯދައި، ޒަކާތު ހައުސްއަށް ހުށަހެޅުމަށް އެ އިދާރާއިން ވަނީ އަންގަވާފައެވެ.

ރާއްޖެއާއި ރާއްޖެއިން ބޭރުން މަތީ ތަޢުލީމު ހާސިލުކުރުމަށް ޒަކާތު ފަންޑުގެ އެހީގައި ފުރުޞަތު ހުޅުވާލާފައި ވަނީ ހުސްވި މެއި މަހުގެ 17ވަނަ ދުވަހުއެވެ. މި ފަހަރުގެ ސްކީމްގައި ޖުމްލަ 30 ޖާގަ ކަނޑައަޅާފައިވާއިރު، އޭގެ ތެރޭގައި ރާއްޖޭގައި ކިޔެވުމަށް 10 ފުރުޞަތު އަދި ބޭރު ޤައުމުތަކުގައި ކިޔެވުމަށް 20 ފުރުޞަތު ވަނީ ޚާއްޞަކޮށްފައެވެ. މީގެ ތެރޭގައި މާސްޓަރސް ފެންވަރަށް 9 ޖާގައާއި ޕީއެޗްޑީ ފެންވަރަށް 10 ޖާގަ ހިމެނެއެވެ. ޒަކާތު ސްކޮލަރޝިޕަށް ކުރިމަތިލުމުގެ އެންމެ ފަހު ވަގުތަކީ ކުރިއަށް އޮތް ޖުލައި މަހުގެ 16 ވާ ބުރާސްފަތި ދުވަހުގެ މެންދުރުފަހު 2:00 އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.