Tuesday, 17 November 2026
Advertisement
MWSC — SmartMeter (leaderboard)
ޚަބަރު

އިހުތިޖާޖާ އެކު ސޯބު މަޖިލީހުގެ ބޮޑު ދެ ކޮމިޓީއަކަށް އައްޔަންކޮށްފި

އިހުތިޖާޖާ އެކު ސޯބު މަޖިލީހުގެ ބޮޑު ދެ ކޮމިޓީއަކަށް އައްޔަންކޮށްފި

ހިތަދޫ އުތުރު ދާއިރާގެ މެންބަރު އަބްދުﷲ ސާދިގް (ސޯބެ)މަޖިލީހުގެ ބޮޑު ދެ ކޮމިޓީއަކަށް އައްޔަންކޮށްފިއެވެ.

މިދިޔަ މަހު 24ވަނަ ދުވަހު ބޭއްވި މަޖިލީހުގެ ޖަލްސާގައި އަޑުގަދަކޮށްގެން އެމްޑީޕީގެ ޕާލަމެންޓްރީ ގްރޫޕްގެ 13މެންބަރުންގެ ތެރެއިން ނުވަ މެންބަރަކު މަޖިލީހުގެ ތަޅުމުން ނެރުނެވެ.

އެމްޑީޕީން ބުނީ އެ މެމްބަރުން އެ ޖަލްސާގައި ކުރީ އިހުތިޖާޖެއް ކަމަށާއި ސޯބެއަށް މަޖިލީހުގެ "ރަނގަޅު ކޮމިޓީއަކުން"ޖާގަ ނުދިނުމުން ކަމަށެވެ. ސޯބެއަކީ މި ހިނގާ 20ވަނަ މަޖިލީހުގައި ބޭއްވި ބައިއިލެކްޝަން ކާމިޔާބުކުރައްވައިގެން މަޖިލީހަށް މިދިޔަ މަހު އިންތިހާބުވެވަޑައިގަތް ބޭފުޅެކެވެ. އެހެންވެ ސޯބެއާ އެކު އެމްޑީޕީއަށް ކޮމިޓީތަކުން ލިބޭ ޖާގަ ވެސް އިތުރުވެއެވެ. ނަމަވެސް އެމްޑީޕީން ބުނީ ޕީއެންސީގެ މެޖޯރިޓީން އޮންނަ މަޖިލީހުން މަސައްކަތްކުރަމުން ދިޔައީ މަޖިލީހުގެ އާދައިގެ ކޮމިޓީއަކަށް ސޯބެ ލުމަށް ކަމަށެވެ.

Advertisement
Allied Insurance — Square (box)

އެ އިހުތިޖާޖުތައް ކޮށްފައި ވަނިކޮށް ރައްޔިތުންގެ މަޖިލީހުން މިއަދު ވަނީ ސޯބެ ލާމަރުކަޒީ ކޮމިޓީ އަދި އެންވަޔަރަމެންޓް އެންޑް ކްލައިމެޓް ޗޭންޖް ކޮމިޓީއަށް ލާން ފާސްކޮށްފައެވެ.

އޭގެ ތެރެއިން ލާމަރުކަޒީ ކޮމިޓީއަކީ އެމްޑީޕީން އަބަދުވެސް ވަރަށް ބޮޑަށް ބޭނުންވާ ކޮމިޓީއެކެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.