އިމިގްރޭޝަނުން އިންސާނީ ވަގުފާރިއާ ދެކޮޅަށް މަސައްކަތްކުރާ ދުވަސް ފާހަގަކޮށްފި

އިމިގްރޭޝަނުން ބައިނަލް އަގްވާމީ އިންސާނީ ވަގުފާރިއާ ދެކޮޅަސް މަސައްކަތްކުރާ ދުވަސް ފާހަގަކޮށްފިއެވެ.
އިމިގްރޭޝަނުން މައުލޫމާތު ދިން ގޮތުގައި މި ދުވަސް އިމިގްރޭޝަނުން ފާހަގަ ކޮށްފައި ވަނީ މައިގްރޭޝަން މޮނިޓަރިން އެންޑް ކޮމްޕްލަޔަންސް ޕްރޮގްރާމް (އެމްއެމްސީޕީ)ގެ ދަށުން އިއްޔެ ކުރިއަށް ގެންދިޔަ މޮނިޓާކުރުމުގެ ހަރަކާތެކެވެ. މި ހަރަކާތް ކުުރިއަށް ގެންގޮސްފައި ވަނީ އިއްޔެގެ ހަވީރު މާލޭގެ އާންމު ސަރަހައްދުތަކުގައެވެ.
ބައިނަލްއަގްވާމީ އިންސާނީ ވަގުފާރިއާ ދެކޮޅަށް މަސައްކަތް ކުރާ ދުވަސް ފާހަގަ ކުރުމުގެ ގޮތުން އިމިގްރޭޝަންގެ ގިނަ އޮފިސަރުންތަކެއް ވަނީ ގިނަ ބަސްބަހުން ތައްޔާރުކޮށްފައިވާ ހޭލުންތެރިކުރުވުމުގެ ފްލަޔަރުތަކެއް ބަހާފައެވެ.
މި ފްލަޔަރުތަކުގައި ހިމެނެނީ:
- އިންސާނީ ވަގުފާރީގެ ނިޝާންތައް ދެނެގަންނާނެ ގޮތް
- އަނިޔާލިބޭ ފަރާތްތަކަށް އެހީތެރިކަން ހޯދާނެ ގޮތް
- މިފަދަ ހާލަތްތަކަށް ސަމާލުވެ ތިބޭނެ އަމަލީ މައުލޫމާތު






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.