Tuesday, 17 November 2026
Advertisement
HDC — Share-Below (leaderboard)
ޚަބަރު

ނުނިމި ހުރި މުހިންމު މަސައްކަތްތަކަކާ ގުޅިގެން މަޖިލީހުގެ ދައުރު ދަންމާލަން ހުށަހަޅައިފި

ނުނިމި ހުރި މުހިންމު މަސައްކަތްތަކަކާ ގުޅިގެން މަޖިލީހުގެ ދައުރު ދަންމާލަން ހުށަހަޅައިފި

ރައްޔިތުންގެ މަޖިލީހުގައި މިވަގުތު ނުނިމި ހުރި މުހިންމު ގާނޫނީ މަސައްކަތްތަކެއް ފުރިހަމަކުރުމުގެ ބޭނުމުގައި، 20ވަނަ މަޖިލީހުގެ މިއަހަރުގެ ދެވަނަ ދައުރުގެ މުއްދަތު މި މަހުގެ 20ވަނަ ދުވަހުގެ ނިޔަލަށް އިތުރުކުރުމަށް މަޖިލީހުގެ ރައީސް އަބްދުއްރަހީމް އަބްދުالله މިއަދު ހުށަހަޅުއްވައިފިއެވެ.

މި މުއްދަތު އިތުރުކުރުމުގެ އެންމެ ބޮޑު ބޭނުމަކީ ސަރުކާރުގެ ތަރައްގީގެ މަޝްރޫއުތައް ހިންގުމަށްޓަކައި ކައުންސިލްތަކުގެ އިހުތިސާސުން ބިން ވަކިކުރުމުގެ ބާރު ކެބިނެޓަށް ދިނުމަށް ލާމަރުކަޒީ ގާނޫނަށް ގެންނަ އިސްލާހު ފާސްކުރުމެވެ. މި ބިލުގެ މަސައްކަތް ކުރިއަށް އޮތް ފަސް ދުވަހުގެ ތެރޭގައި ނިންމުމަށް ކަމާ ބެހޭ ކޮމިޓީން ވަނީ ކަނޑައަޅާފައެވެ. މީގެ އިތުރުން، އިގުތިސާދީ ވަޒީރު މުހައްމަދު ސައީދުގެ އިތުބާރު ނެތްކަމުގެ މައްސަލަ ވެސް ކުރިއަށް އޮތް ހަފުތާގެ ތެރޭގައި އެޖެންޑާކުރާނެ ކަމަށް ލަފާކުރެވެއެވެ.

ގާނޫނު ހަދާ މަޖިލީހުގެ ގަވާއިދު ބަޔާންކުރާ ގޮތުން، ޖޫން މަހު ފެށުނު ދެވަނަ ދައުރުގެ މުއްދަތު ހަމަ ވާނީ ކުރިއަށް އޮތް ހޮނިހިރު ދުވަހަށެވެ. އަދި ގަވާއިދު އޮންނަ ގޮތުން ދައުރުގެ އެންމެ ފަހު ބައްދަލުވުން ބާއްވަން ޖެހެނީ ހޯމަ ނުވަތަ ބުރާސްފަތި ދުވަހެއްގައި ކަމަށްވުމުން، މުއްދަތު އިތުރު ނުކުރިނަމަ މި ދައުރުގެ ފަހު ޖަލްސާ އޮންނާނީ މާދަމާއެވެ.

Advertisement
Ooredoo — Truecaller (box)

ފާހަގަކޮށްލެވޭ ގޮތުގައި، ގިނަ މަސައްކަތްތަކެއް ހުރުމުގެ ސަބަބުން މި އަހަރުގެ ފުރަތަމަ ދައުރުގެ މުއްދަތުވެސް ވަނީ މީގެ ކުރިން އިތުރުކޮށްފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.