Tuesday, 17 November 2026
Advertisement
HDC — Share-Below (leaderboard)
ޚަބަރު

އިންތިޚާބުތަކުގައި ދޭ ވޯޓަކީ ދީނީގޮތުން ވަރަށް ބޮޑު އަމާނާތެއް: އީސީ ޝަކީލް

އިންތިޚާބުތަކުގައި ދޭ ވޯޓަކީ ދީނީގޮތުން ވަރަށް ބޮޑު އަމާނާތެއް: އީސީ ޝަކީލް

އިންތިޚާބުތަކުގައި ކެންޑިޑޭޓަކަށް ދެވޭ ވޯޓަކީ ދީނީ ގޮތުން ބޮޑު އަމާނާތެއް ކަމަށާއި އެއީ އެމީހެއްގެ ޤާބިލުކަމަށް ދެވޭ ހެކިބަހެއްކަމަށް އިލެކްޝަންސް ކޮމިޝަން (އީސީ)ގެ ރައީސް މުޙައްމަދު ޝަކީލް ވިދާޅުވެއްޖެއެވެ.

ރާއްޖޭގައި ފާހަގަކުރާ ވޯޓުލާ މީހުންގެ ދުވަހުގެ މުނާސަބަތުގައި ރައްޔިތުންގެ އިންތިޚާބީ ޒިންމާއަށްހޭލުންތެރިކުރުވުމުގެ ގޮތުން މީސްމީޑިއާ މެދުވެރިކުރައްވައި އީސީ ޝަކީލް ދެއްވި މެސެޖެއްގައި، ދިވެހިންނަކީ ސައްތައިން ސައްތަ މުސްލިމުން ކަމަށްވުމާ އެކު، ވޯޓުގެ ޙައްޤު އަދާކުރުމުގައި މާތްﷲ އަށް ބިރުވެތިވެ، އިޚްލާޞްތެރިކަން އިސްކުރުމަށް އީސީގެ ރައީސް ވަނީ ގޮވާލައްވާފައެވެ. އޭނާ ފާހަގަކުރެއްވި ގޮތުގައި، ޤައުމުގެ އެންމެ އިސްވެރިޔާ އިން ފެށިގެން ރައްޔިތުންގެ މަޖިލީހާއި ކައުންސިލްތަކަށް މެމްބަރުން ހޮވުމަށް ރައްޔިތުން ނިންމާ ކޮންމެ ނިންމުމަކީ މުޅި ދައުލަތުގެ ހަމަޖެހުމާއި، ތަރައްޤީއާއި އަދި ޤާނޫނީ ހަމަހަމަކަމާ ސީދާ ގޮތުންނާއި ނުސީދާ ގޮތުން ގުޅިފައިވާ ނުހަނު މުހިންމު ނިންމުމެކެވެ. އެހެންކަމުން އެއީ ކެންޑިޑޭޓެއްގެ ކިބައިގައި ހުރި އިންސާފުވެރިކަމާއި ކުޅެދުންތެރިކަމަށް ރައްޔިތުން ދޭ ހެކިބަހެއްކަން އޭނާ ސާފުކޮށްދެއްވިއެވެ.

https://twitter.com/ElectionsMv/status/2092088065225580765

Advertisement
Allied — Dhen Online (box)

ކޮންމެ އަހަރެއްގެ އޮގަސްޓު މަހުގެ 25ވަނަ ދުވަސް ރާއްޖޭގައި ވޯޓުލާ މީހުންގެ ދުވަހުގެ ގޮތުގައި ފާހަގަކުރަމުން އަންނައިރު، މިއަހަރުގެ ޝިޢާރެއްގެ ގޮތުގައި ކަނޑައަޅާފައިވަނީ "ވޯޓަކީ ޙައްޤެއް އަދި ޒިންމާއެއް" މިފަދައިންނެވެ. ރައްޔިތުންގެ މެދުގައި ޑިމޮކްރަސީއާއި އިންތިޚާބީ ނިޒާމުތަކާ ގުޅޭގޮތުން ހޭލުންތެރިކަން އިތުރުކުރުމުގެ މަޤުޞަދުގައި 2015ވަނަ އަހަރުން ފެށިގެން ފާހަގަކުރަމުން އަންނަ މި ދުވަހާ ގުޅުވައިގެން، އިލެކްޝަންސް ކޮމިޝަނުން އަންނަނީ ވޯޓުލުމުގެ ޙައްޤާމެދު ރައްޔިތުން ހޭލުންތެރިކުރުމަށް ތަފާތު ޕްރޮގްރާމްތައް ވެސް ހިންގަމުންނެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.