Saturday, 14 November 2026
Advertisement
MWSC — SmartMeter (leaderboard)
ޚަބަރު

ކާށިދޫގައި މަސްތުވާތަކެތީގެ ވިޔަފާރިކުރާ ގުރޫޕެއް ހައްޔަރުކޮށްފި

ކާށިދޫގައި މަސްތުވާތަކެތީގެ ވިޔަފާރިކުރާ ގުރޫޕެއް ހައްޔަރުކޮށްފި

ކ. ކާށިދޫގައި މަސްތުވާތަކެތީގެ ވިޔަފާރިކުރާ ގުރޫޕެއް ހައްޔަރުކޮށްފިއެވެ.

ފުލުހުންގެ ޚިދުމަތުން ބުނީ، އެ މީހުން ހައްޔަރުކޮށްފައި ވަނީ ޑްރަގް އެންފޯސްމަންޓާއި، ކައުންޓަރ ނާކޮޓިކްސް އިންޓެލިޖެންސާއި، ކ. އަތޮޅު ފުލުހުން ގުޅިގެން ހިންގި އޮޕަރޭޝަންގައި މި މަހު 30ވަނަ ދުވަހު ކަމަށެވެ. މި އޮޕަރޭޝަންގައި ފެނުނު މަސްތުވާތަކެތީގެ ވަގުތީ ބަރުދަނަކީ 32.55 ގުރާމު ކަމަށް ފުލުހުން ބުނެއެވެ.

މީގެ އިތުރުން މި އޮޕަރޭޝަންގައި ކާށިދޫ 10 ގެއެއް ބަަލައިފާސްކޮށް 10 މީހުން ފުލުހުންގެ ބެލުމުގެދަށަށް ގެނެސްފައިވާ ކަމަށާއި އޭގެ ތެރެއިން ހަތަރު މީހުން މިހާރު ދޫކޮށްލާފައިވާ ކަމަށް ފުލުހުން މައުލޫމާތުދެއެވެ. އަދި އަނެއް ހަ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރުތުކުރުމަށް ފަހު އެކަކު ކޯޓުން ދޫކޮށްލާފައިވާ ކަމަށް ވެސް ފުލުހުން ބުނެއެވެ.

Advertisement
Ooredoo — Square (box)

މި މައްސަލައާ ގުޅިގެން ހައްޔަރުކުރި މީހުންގެ ތެރެއިން، ރިހިތަރި / ކ. ކާށިދޫ، މުޙައްމަދު އަޙުދު (30އ) އާއި، ދިލްޝާދުގެ / ގދ. ރަތަފަންދޫ، ޣާނިމް މުފީދު (26އ) 10 ދުވަހަށް ބަންދުކުރުމަށް އަމުރުކޮށްފައިވާއިރު ރެޑިއަމްގެ / ކ. ކާށިދޫ، ޢަބްދުލްޢަލީމް މުޙައްމަދު (37އ) އާއި، ގ. މާލެހިޔާ 2 02-13 / މާލެ، މަދީޙް ރަޝީދު (29އ) އާއި، ޝަބްނަމްގެ / ކ. ކާށިދޫ، ނަޒާން މުޙައްމަދު ޝާކިރު (22އ) 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ބުނެއެވެ.

މި މައްސަލަ ފުލުހުން ގެންދަނީ ތަހުގީގުކުރަމުންނެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.