Monday, 16 November 2026
Advertisement
MWSC — SmartMeter (leaderboard)
ޚަބަރު

ފަސް މިލިއަން ގަސް އިންދުމުގެ ޕްރޮގްރާމަށް ކެރެލާއިން 1200 ގަސް ހަދިޔާކޮށްފި

ފަސް މިލިއަން ގަސް އިންދުމުގެ ޕްރޮގްރާމަށް ކެރެލާއިން 1200 ގަސް ހަދިޔާކޮށްފި

ދިވެހި ސަރުކާރުން މިހާރު ކުރިއަށްގެންދާ ފަސް މިލިއަން ގަސް އިންދުމުގެ ޤައުމީ މަޝްރޫޢަށް އެއްބާރުލުން ދިނުމުގެ މަޤުޞަދުގައި، އިންޑިއާގެ ކެރެލާ ސްޓޭޓްގެ ސަރުކާރުން ދިވެހިރާއްޖެއަށް 1200 ގަސް ހަދިޔާކޮށްފިއެވެ.

ކެރެލާގެ ފޮރެސްޓް ޑިޕާޓްމަންޓުން ފޯރުކޮށްދިން މި އެހީގެ ތެރޭގައި ހިމެނެނީ ހަސަތޭކަ އަނބު ގަހާއި، ހަސަތޭކަ ހައިވަކަރު ގަހެވެ. ޓްރިވެންޑްރަމްގައި ބޭއްވި ޚާއްޞަ ރަސްމިއްޔާތެއްގައި، ކެރެލާގެ ފޮރެސްޓް މިނިސްޓަރު ޝިބޫ ބޭބީ ޖޯންގެ ފަރާތްޕުޅުން މި ތަކެއްޗާ ހަވާލުވެވަޑައިގަތީ ރާއްޖެއިން އެ ސިޓީއަށް ކަނޑައަޅާފައި ހުންނަވާ ކޮންސުލް ޖެނެރަލް ޝިފާނާއެވެ.

މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފައްޓަވާފައިވާ ތިމާވެށީގެ މުހިންމު ކެމްޕޭނަށް ބައިނަލްއަޤުވާމީ ފެންވަރުގައި ލިބެމުންދާ ތަރުޙީބުގެ ނަތީޖާއެކެވެ. މި ގަސްތަކަކީ، ނިމިދިޔަ އަހަރުގެ ޖުލައި މަހުގެ 25ވަނަ ދުވަހު އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެއަށް ކުރެއްވި ދަތުރުފުޅުގައި، ރާއްޖެ ފެހިކުރުމުގެ މަސައްކަތަށް ވެދެއްވާނެކަމަށް ވިދާޅުވި ވަޢުދުފުޅުގެ ދަށުން ފޯރުކޮށްދެއްވި އެހީތެރިކަމެކެވެ.

Advertisement
Ooredoo — Truecaller (box)

ފަސް މިލިއަން ގަސް އިންދުމުގެ މަޝްރޫޢަކީ ރާއްޖޭގެ ނާޒުކު ތިމާވެށި ޙިމާޔަތްކުރުމަށް އަމާޒުކޮށްގެން ފަށާފައިވާ ބޮޑު ހަރަކާތެކެވެ. މި ޕްރޮގްރާމްގެ އެންމެ ބޮޑު ބޭނުމަކީ ރާއްޖޭގެ ރަށްތަކުގައި ގަސްގަހާގެހި އާލާކޮށް، މޫސުމަށް އަންނަމުންދާ ނުރަނގަޅު ބަދަލުތަކުން ސަލާމަތްވުމަށް ދެމެހެއްޓެނިވި އަދި ހަރުދަނާ ފިޔަވަޅުތަކެއް އެޅުމެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.