މާލެއާއި ހުޅުމާލެއިން ކަރަންޓު ކެނޑުނު ހިސާބުތަކަށް އަލުން ޚިދުމަތް ދީފިން: ސްޓެލްކޯ
މާލެ އާއި ހުޅުމާލޭގެ ބައެއް ސަރަހައްދުތަކަށް ކަރަންޓު ފޯރުކޮށްދޭ ނިޒާމަށް ދިމާވި ޓެކްނިކަލް މައްސަލައެއްގެ ސަބަބުން ކަރަންޓުގެ ޚިދުމަތް މެދުކެނޑުމަށް ފަހު، ކުޑަ ވަގުތުކޮޅެއްގެ ތެރޭގައި ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން އެ މައްސަލަ ހައްލުކޮށް އަލުން ކަރަންޓު ދޫކޮށްފިއެވެ.
ދެ ރަށުގެ ކަރަންޓު ވިއުގައިން ޓްރިޕްވި ހުރިހާ ފީޑަރުތަކެއްގެ މައްސަލަ މިހާރު ރަނގަޅުކުރެވިފައިވާ ކަމަށާއި، ޚިދުމަތް ކެނޑުނު ހުރިހާ ގެތަކަކަށް ވެސް މިހާރު ކަރަންޓު ލިބޭނެކަން އެ ކުންފުނިން ވަނީ ކަށަވަރުކޮށްދީފައެވެ.
މިކަމާ ގުޅިގެން އާންމު ރައްޔިތުންނަށް އުފުލަންޖެހުނު ތަކުލީފުތަކަށް ނިހާޔަތަށް މާފަށް އެދޭކަމަށް ސްޓެލްކޯއިން ބަޔާންކުރެއެވެ. މީގެ އިތުރުން، މައްސަލަ ހައްލުކުރި ފަހުން ވެސް ކަރަންޓު ނުލިބޭ ފަރާތެއް ވާނަމަ ލަސްނުކޮށް ކުންފުނީގެ ކޮންޓެކްޓް ސެންޓަރުގެ ނަންބަރު 1545އަށް ގުޅައިގެން އެކަން ހިއްސާކުރުމަށް އެ ކުންފުނިން ވަނީ އިލްތިމާސްކޮށްފައެވެ.
