ބަޖެޓަށް ފައިސާ ހޯދަން 1.59 ބިލިއަން ރުފިޔާގެ ޓީ-ބިލް ވިއްކަނީ

ބަޖެޓަށް ފައިސާ ހޯދަން 1.59 ބިލިއަން ރުފިޔާގެ ޓްރެޝަރީ ބިލް (ޓީ-ބިލް) ވިއްކަން ހުޅުވާލައިފިއެވެ.

މިނިސްޓްރީ އޮފް ފިނޭންސް އެންޑް ޕަބްލިކް އެންޓަޕްރައިޒަސް އިން އިއުލާނުކޮށްފައިވާ މައުލޫމާތުތަކުން އެނގޭ ގޮތުން މި ޓީ-ބިލްތައް ވިއްކުމަށް (ސޭލްސް ޑޭޓް) ހަމަޖެހިފައި ވަނީ 20 ސެޕްޓެމްބަރ 2026ގައެވެ. އަދި ފައިސާ ދައްކާ ހަލާސްކުރަންޖެހޭ ތާރީޚަކީ (ސެޓްލްމަންޓް ޑޭޓް) އަކީ 21 ސެޕްޓެމްބަރ 2026އެވެ.

<strong>ވިއްކުމަށް ހުޅުވާލާފައި ވަނީ 4 މުއްދަތެއްގެ ޓީބިލް</strong>

28 ދުވަހުގެ ޓީ-ބިލް - 1.04 ބިލިއަން ރުފިޔާ (އިންޓްރެސްޓް ރޭޓް: 3.50%)
98 ދުވަހުގެ ޓީ-ބިލް - 353.4 މިލިއަން ރުފިޔާ (އިންޓްރެސްޓް ރޭޓް: 3.87%)
182 ދުވަހުގެ ޓީ-ބިލް - 160 މިލިއަން ރުފިޔާ (އިންޓްރެސްޓް ރޭޓް: 4.23%)
364 ދުވަހުގެ ޓީ-ބިލް - 36.9 މިލިއަން ރުފިޔާ (އިންޓްރެސްޓް ރޭޓް: 4.60%)

ފިނޭންސް މިނިސްޓްރީން ބުނެފައިވާ ގޮތުގައި ޓީ-ބިލް ގަންނަން ބޭނުންވާ ފަރާތްތަކުން ޓީ-ބިލަށް އެދި ހުށަހަޅަން ޖެހޭނީ މިނިސްޓްރީގެ 'ސަބްސްކްރިޕްޝަން ފޯމު' މެދުވެރިކޮށެވެ. އަދި ޓީ-ބިލް ވިއްކާ ދުވަހުގެ ހެނދުނު 8:30އިން 11:00އަށް މިނިސްޓްރީއަށް ފޯމު ހުށަހަޅަން ޖެހޭނެ ކަމަށް ވެސް އިއުލާނުގައި ބުނެފައިވެއެވެ. މީގެ އިތުރުން، ކަނޑައެޅިފައިވާ ތާރީޚަށް ފައިސާ ނުދައްކައިފިނަމަ، ކުރިއަށް އޮތް ތަނުގައި ސަރުކާރުގެ ސެކިއުރިޓީޒް އޮޕަރޭޝަންތަކުގައި ބައިވެރިވުން ސަސްޕެންޑް ކުރެވިދާނެ ކަމަށް ވެސް މިނިސްޓްރީން ވަނީ އަންގާފައެވެ.