Monday, 16 November 2026
Advertisement
HDC — Share-Below (leaderboard)
ޚަބަރު

މާލޭ ވޮކޭޝަނަލް ހައި ސްކޫލަށް ޕްރިންސިޕަކު ހޯދަނީ

މާލޭ ވޮކޭޝަނަލް ހައި ސްކޫލަށް ޕްރިންސިޕަކު ހޯދަނީ

މާލޭ ވޮކޭޝަނަލް ހައި ސްކޫލަށް ޕްރިންސިޕަކު ހޯދަން އިއުލާންކޮށްފިއެވެ.

ތަފާތު އެކި ހުނަރުތައް ދަސްކޮށްދިނުމަށް ހިންގަމުންދާ ޕޮލިޓެކްނިކް ހިންގާ އިމާރާތުގައި ވޮކޭޝަނަލް ހައި ސްކޫލެއް ހުޅުވީ މިދިޔަ އަހަރު ނޮވެމްބަރު މަހުއެވެ.

އެޑިއުކޭޝަން މިނިސްޓްރީން މިއަދު ކުރި އިއުލާނެއްގައި ބުނީ އެ ސްކޫލުގެ ދާއިމީ ޕްރިންސިޕަލުގެ މަގާމަށް ކުރިމަތިލުމުގެ ފުރުސަތު އަންނަ މަހު ހަތަރަކާ ހަމައަށް މިހާރު ހުޅުވާލައިފައިވާ ކަމަށެވެ.

Advertisement
Allied Insurance — Square (box)

އެ މަގާމަށް ކުރިމަތިލުމުގެ ޝަރުތުތަކުގެ ތެރޭގައި ތަޢުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަވެފައިވާ ދާއިރާއަކުން ދަށްވެގެން ޑިގްރީއެއް ހާސިލުކޮށް ސުކޫލެއްގައި ކިޔަވައިދިނުމުގައި މަދުވެގެން ދެ އަހަރު ހިދުމަތްކޮށް ތައުލީމުދޭ ނުވަތަ މަތީ ތައުލީމުދޭ އިދާރާއެއްގެ ހިންގުމުގެ ދާއިރާގައި ހަތަރު އަހަރު ހިދުމަތް ކޮށްފައިވުން ހިމެނެއެވެ.

އެ މަގާމުގެ މުސާރައާއި އިނާޔަތުގެ ގޮތުގައި 32،000 ރުފިޔާއަށް ވުރެ އަދަދެއް ލިބޭނެއެވެ.

އެޑިއުކޭޝަން މިނިސްޓްރީން ބުނީ ޕްރިންސިޕަލުންގެ ޖޮބް މެޓްރިކްސްގެ މަގާމެއްގައި ހުރި މުވައްޒަފެއް ސިވިލް ސަރވިސްގެ އިދާރާއެއްގެ ޕްރިންސިޕަލެއްގެ މަގާމަށް ބަދަލުކުރާ ނަމަ ނުވަތަ ކުރިމަތިލައި ހޮވިއްޖެ ނަމަ، ވަޒީފާ ހަމަޖައްސާނީ އެވަގުތު ވަޒީފާގައި ހުރި ރޭންކުގައި ކަމަށެވެ. އަދި އެވަގުތު ހުރި ރޭންކަށްވުރެ މަތީ ރޭންކަށް ޝަރުތު ހަމަވާ ހާލަތްތަކުގައި ވަޒީފާ ހަމަޖައްސާނީ ޝަރުތުހަމަވާ މަތީ ރޭންކުން ކަމަށް ވެސް ބުންޏެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.