72 އަހަރުގެ އަންހެން މީހާއަށް ޖިންސީ ގޯނާކުރި މީހާގެ ބަންދަށް 15 ދުވަސް

ރ. އަނގޮޅިތީމުގައި ގެއަކަށް 72 އަހަރުގެ އަންހެނަކަށް ޖިންސީ ގޯނާކުރި މީހާގެ ބަންދުގެ މުއްދަތު ޖަހައިފި އެވެ.

އެ މައްސަލައިގައި 44 އަހަރުގެ ދިވެހި ފިރިހެނަކު ހައްޔަރުކުރީ މިދިޔަ އަންގާރަ ދުވަހުގެ ރެ އެވެ. އޭނާ ވަނީ ޖިންސީގޯނާކޮށް މަރާލާނޭކަމަށް ބުނެ އިންޒާރުވެސް ދީފަ އެވެ.

ފުލުހުން ބުނީ އެ މައްސަލައިގައި އޭނާގެ ބަންދާމެދު ގޮތެއް ނިންމަން ކޯޓަށް ހާޒިރުކުުރުމުން އޭނާގެ ބަންދަށް 15 ދުވަސް މިހާރު ޖަހައިދީފައިވާ ކަމަށެވެ.

އަނިޔާ ލިބުނު އަންހެން މީހައަށް އަނގޮޅިތީމުގެ ހެލްތު ސެންޓަރުގައި ފަރުވާ ދިނުމަށް ފަހު ފަހުން ވަނީ ދޫކޮށްލައިފަ އެވެ.

ފުލުހުން މިހާރު ދަނީ އެ މައްސަލަ އިތުރަށް ތަހުގީގު ކުރަމުން ނެވެ.