ޖޯޑަކުން ޖަހައި މީހެއްގެ ބޯ ފަޅާލައިގެން ބިދޭސީއަކު ހައްޔަރުކޮށްފި

ޖޯޑަކުން ޖަހައި މީހެއްގެ ބޯ ފަޅާލައިގެން ބިދޭސީއަކު ހައްޔަރުކޮށްފިއެވެ.

ކްރިމިނަލް ކޯޓުން ނެރުނު ބަންދު އަމުރުގައިވާ ގޮތުން އެ މައްސަލައިގައި ހައްޔަރުކުރީ ބަނގުލަދޭޝްއަށް ނިސްބަތްވާ ކަމުރުލް ޖަމާދު(44އ.)އެވެ. އެ މައްސަލައިގައި އޭނާ 15 ދުވަހަށް ބަންދުކުރަން ވެސް ކޯޓުން ވަނީ އަމުރުކޮށްފައެވެ.

ބަންދު އަމުރުގައިވާ ގޮތުން ހަނީފްއާ ދެކޮޅަށް އެކަށީގެންވާ ހެކި ހުށަހަޅާފައިވެއެވެ. އެގޮތުން ސީންއަށް ދިޔަ ފުލުހުން ތައްޔާރުކޮށްފައިވާ ހާދިސާ ރިޕޯޓް ހުށަހަޅާފައިވާ ކަމަށް ބުންޏެވެ. އެހެންކަމުން އޭނާގެ މައްޗަށް ކުރަނީ މާރާމާރޭ ހިންގުމުގެ ތުހުމަތެވެ.

ބަންދު އަމުރުގައި ބުނެފައިވާ ގޮތުން ބިދޭސީމީހާ ޖޯޑުން ޖެހުމުން ބޯފަޅައިގެން ދިޔަ ކަމަށާއި ނަމަވެސް އެއީ ގަސްދުގައި ކުރި ކަމެއް ނޫން ކަމަށާއި އަދި ބޮލުގައި ޖެހުނުކަން ވެސް ނޭނގޭކަމަށް ބިދޭސީމީހާ ބުނެފައި ވެއެވެ.