Tuesday, 17 November 2026
Advertisement
Allied Insurance (leaderboard)
ޚަބަރު

ރައީސަކު ވިޔަސް، ކުށެއް ކުރައްވައިފިނަމަ، އަދަބު ދޭނަން: މުއިއްޒު

ރައީސަކު ވިޔަސް، ކުށެއް ކުރައްވައިފިނަމަ، އަދަބު ދޭނަން: މުއިއްޒު

ޕީޕީއެމް-ޕީއެންސީގެ ވެރިކަމެއްގައި ރާއްޖޭގެ ޝަރުއީ ދާއިރާއަށް އެއްވެސް ނުފޫޒެއް ނުފޯރުވާނެ ކަމަށާއި، ރައީސްއަކު ވިޔަސް، ކުށެއް ކުރައްވައިފިނަމަ، އެ ކުށަކަށް އަދަބު ދެއްވާނެ ކަމަށް ޕީޕީއެމް-ޕީއެންސީގެ ރިޔާސީ ކެންޑިޑޭޓް، ޑރ.މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ރޭ ޕީއެސްއެމްއާއި ސަންގު ޓީވީން ގުޅިގެން، ރިޔާސީ އިންތިޚާބުގައި ވާދަކުރައްވާ  ކެންޑިޑޭޓުންގެ މެދުގައި ގެނެސްދިން "ސަންގު ބަހުސް"ގައެވެ.

ވެރިކަން ލިބިވަޑައިގެންފިނަމަ، ރައީސް އިބްރާހީމް މުހައްމަދު ސާލިހާމެދު އަމަލުކުރާނެ ގޮތާ ގުޅޭގޮތުން ސުވާލު ކުރުމުން ޑރ. މުއިއްޒު ވިދާޅުވީ އިންސާފު ގާއިމުކުރުމުގައި އެންމެން ހަމަހަމަވާނެ ކަމަށެވެ.

Advertisement
Allied Insurance — Square (box)

ކީރިތި ޤުރުއާނުގައި، މީސްތަކުންގެ މެދުގައި ހުކުމްކުރާއިރު އަދުލުވެރިކަމާއެކީގައި ހުކުމް ކުރުމަށް އަންގަވައިފައިވާކަން، ދަލީލާއިއެކު މުއިއްޒު ފާހަގަކުރެއްވިއެވެ.

"އެހެންވީމަ އެ އަދުލުވެރިކަން އަޅުގަނޑުމެންގެ ވެރިކަމެއްގައި ފެންނާނީ. އެއީ ރައީސުލްޖުމްހޫރިއްޔާކަން ކޮށްފައިހުރި މީހެއް ވިޔަސް އާންމު ރައްޔިތެއް ވިޔަސް ތަފާތެއް ނޯންނާނެ."

މުއިއްޒު ވިދާޅުވީ، އެމަނިކުފާނުގެ ވެރިކަމެއްގައި ޝަރުއީ ދާއިރާ މިނިވަންކުރައްވައި، ވަކި މީހަކަށް ހުކުމް ކުރުމުގެ ސިޔާސަތު ނައްތައިލައްވާނެ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.