ޝިފާ އާއި ފަޒީންގެ ކޯޅުން: އުފަން ދުވަހުގެ ސެޓްފިކެޓެއް ހަދަން އުޅުނު ވާހަކަތަކެއް ވެސް ފެންމަތިވެއްޖެ!
މާލެ ސިޓީ ކައުންސިލުގެ މޭޔަރ ޝިފާ މުޙައްމަދު އާއި މާފަންނު އުތުރު ދާއިރާގެ ކައުންސިލަރ މުޙައްމަދު ފަޒީން އާއި ދެމެދު ބަހުގެ ހޫނު ހަމަލާތަކެއް ރައްދުވެއްޖެއެވެ.
މާލެ ސިޓީ ކައުންސިލުން ތަރައްޤީކުރި "ލޮނުޒިޔާރަތް ޕާކަށް" ފަޒީން ވަދެވަޑައިގެންނެވީ "ލަދު ޙަޔާތްކުޑަ ކަމުން" ކަމަށް ޝިފާ ބުނެފައިވާ އޯޑިއޯއެެއް ދައުރުވެފައިވާއިރު، ޓްވިޓާގައި ދެން ފެންމަތިވާން ފެށީ މިދެބޭފުޅުންގެ އެހެން ކޯޅުން ތަކެކެވެ.
އެގޮތުން އެއްވެސް މުވައްޒަފަކަށް ބިރު ދައްކައިގެން ޤާނޫނާ ޚިލާފަށް އުފަން ދުވަހުގެ ސެޓްފިކެޓެއް އަދި އެނޫންވެސް ކަމެއް ކުރަން ނޫޅުމަށް މޭޔަރު ޝިފާ ވަނީ ފަޒީން ޓެގް ކުރައްވާ މިމަހުގެ 14 ވަނަ ދުވަހު ޓްވީޓު ކުރައްވާފައެވެ.
އެޓްވީޓަށް ރައްދު ދެއްވަމުން ފަޒީން ވިދާޅުވީ އެހެން ކިޔައިގެން އެސިސްޓަންޓް ޑިރެކްޓަރެއް ލައްވާ ބަޔާން ނަންގުވައިފި ކަމަށާއި، ކަމެއް ނުކުރާތީ ބިރު ނުގަންނަ ކަމަށެވެ.
"ސެޓްފިކެޓްގެ ވާހަކަ ދައްކާއިރު، މިދިޔަ ދައުރުގައި ސެޓްފިކެޓެއް ހަދަން އުޅުނު މައްސަލައެއް ފެންމަތިވި. އެފަހަރު ސެކްޝަންގެ ވެރިއަކަށް ހުންނެވި ފަރާތުން އެކަން ނުކޮށްދިނުމުން، އޭނާ މަސައްކަތުން ދުރުކުރި. އެކަން ނުކޮށްދިން ވެރިޔާއަށް މިދައުރު ފެށުން އިރުވެސް އެއްވެސް މަސައްކަތެއް ހަވާލުނުކޮށް، ބިއުރޯ އަށް ގެނެސް ހުސް މޭޒެއް ދީފަ ބެހެއްޓި" ފަޒީން ވިދާޅުވެފައިވެއެވެ.
ފަޒީން އިތުރަށް ވިދާޅުވީ އެއީ ގެދޮރާއި މުދަލުގެ ގޮތުގައި ރިސޯޓު ހިމެނޭ މައްސަލައެއްގައި މުދާ ބެހުމަށް "ބައްޕަ ނަން ޖެއްސުން" ކަމަށެވެ.
ތި ށިފާ އަކީ ވަރަށް އަނިޔާވެރި މީހެއް، އެޑިޔުކޭޝަން މިނިސްޓްރީގައި ހުރިއިރު ކުށެއްނެތް މީހުންތަކަށް ވަރަށް ގޯނާކުރި