ދެވަނަ ޓާމުގައި ކިޔަވައިދޭނީ 4-5 ގަޑިއިރަށް
ކޮވިޑް-19 އާ ގުޅިގެން ދެވަނަ ޓާމުގައި ސްކޫލްތަކުގައި ކިޔަވައިދިނުމުގެ ކަންކަން ކުރިއަށްދާނެ ގޮތުގެ ސާކިއުލާއެއް އެޑިއުކޭޝަން މިނިސްޓްރީން ނެރެފިއެވެ.
އެސާކިއުލާ ގައި ބުނެފަައިވާ ގޮތުގައި ސްކޫލްތަކުގައި އޮންލައިންކޮށާއި، ސްކޫލަށް ގޮސްގެން ކިޔަވާ ދެނީ ދުވާލަކު 4-5 ގަޑިއިރަށް ކަމަށް ބުނެފައި ވެއެވެ.
ރާއްޖޭގައި ވެސް ކޮވިޑް-19 ފެތުރުމާއި ގުޅިގެން ސްކޫލްތައް ބަންދު ކުރިއެވެ. އަދި ފަހުން ކިޔަވާ ދިނުން އޮންލައިންކޮށް ކިޔަވައިދޭ ގޮތަށް ބަދަލު ކުރިއެވެ. ރަށްރަށުގެ ސްކޫލްތައް ހުޅުވައިގެން ކިޔަވައިދެމުން ދިޔައިރު، ފަހުން މާލެ ސަރަހައްދުގެ ސްކޫލްތަކުގައި މަތީ ގްރޭޑްތަކަށް ވެސް ދިޔައީ ކިޔަވައިދެމުންނެވެ.
ކޮވިޑް-19 ފެތުރުމާ ގުޅިގެން މިއަހަރު ސްކޫލްތަކުގެ ކިޔެވުމުން ނިންމާލެވުނީ ފުރަތަމަ ޓާމު އެކަންޏެވެ.ދެވަނަ ޓާމްގެ ކިޔެވުން އަންނަ ޖެނުއަރީ މަހު 10 ވަނަ ދުވަހު ފަށާނެއެވެ. އަދި އެ ޓާމް ޖޫން 24 އަށް ނިމޭއިރު، ދެން ފަށާނީ ދިރާސީ އާ އަހަރެވެ.
Ads by STO
