ދެއްވަދޫން ނެގި ރެންޑަމް ސާމްޕަލްގެ އަދަދު 150 އަށް
މިހާރު މޮނިޓަރިންގެ ހާލަތުގައި އޮތް ގއ. ދެއްވަދޫން ކޮވިޑަށް ނެގި ރެންޑަމް ސާމްޕަލްގެ އަދަދު 150 އަށް އަރައިފިއެވެ.
ގއ. ދެއްވަދޫގައި ކޮވިޑު ފެތުރިފައިވާ މިންވަރު ދެނެގަތުމަށްޓަކައި 300 އެއްހާ ރެންޑަމް ސާމްޕަލް ނެގުމުގެ މަސައްކަތް ފަށާފައިވާ ކަމަށް އެ ރަށު ކައުންސިލުން ވަނީ “ވަން” އަށް މައުލޫމާތު ދީފައެވެ.
ދެއްވަދޫ ކައުންސިލުން މައުލޫމާތުދޭ ގޮތުގައި އެރަށުން ޕޮޒިޓިވްވި ހަ މަހުގެ ތުއްތު ކުއްޖާގެ އާއިލާއަށް އެންމެ ފުރަތަމަ އެންގީ ނެގެޓިވް ކަމަށެވެ. އަދި ކުއްޖާ ފައްސި ވެފައިވާކަން ޖެހިގެން އަދި ދުވަހު ސިއްހީ މަރުކަޒުން އެންގިއިރު ގިނަ ބަޔަކާއި ކޮންޓެކްޓްވެފައިވާ ކަމަށެވެ.
ދެއްވަދޫން ޖުމްލަ ހަތް މީހަކު ފައްސިވެފައިވާއިރު މީގެތެރޭގައި ޢުމުރުން ދުވަސްވީ ހައި ރިސްކް މީހަކު ވެސް ހިމެނޭ ކަމަށް ކައުންސިލުން މަޢުލޫމާތު ދެއްވައެވެ. އެ ރަށުގައި ކޮމިއުނިޓީ ސްޕްރެޑެއް އޮތުމުން މިހާރުން ފެށިގެން ޖަމާޢަތުގައި ނަމާދު ކުރުމާއި ރަށަށް އަރައި ފޭބުން ވަނީ މަނާ ކޮށްފައެވެ. ކޮވިޑްގެ އަލާމާތްތައް ފެންނަ މީހުން ތިބުމުގެ ސަބަބުން އަދަދު އިތުރުވުމަކީ އެކަށީގެންވާ ކަމެއް ކަމަށް ކައުންސިލުން މައުލޫމާތު ދެއެވެ.
އެޗްއީއޯސީން ބުނެފައިވާ ގޮތުގައި އެރަށު ކަރަންޓީނުގައި ތިބި މީހުންގެ ތެރެއިން މީހެއް އެންމެ ފުރަތަމަ ޕޮޒިޓިވްވީ 24 ޑިސެމްބަރު ގައެވެ. އެހެންނަމަވެސް ފަހުން ވަނީ އެ މީހުންގެ ނަތީޖާ ނެގެޓިވްކަމަށް އަންގާފައިވާ ކަމަށާއި އެހެންވެ، ކަރަންޓީނުގެ މުއްދަތު ނިމުމާއެކު އެ މީހުން ބޭރަށް ނުކުތް ކަމަށެވެ.
Ads by STO
