ދެއްވަދޫން ފޮނަދުއަށް އައި ދެ މީހަކު ކޮވިޑަށް ފައްސި ވެއްޖެ
27 ޑިސެމްބަރ 2020 ވަނަ ދުވަހު ގއ.ދެއްވަދޫ އިން ލ.ފޮނަދޫއަށް އައި ދެ މީހަކު ކޮވިޑަށް ފައްސި ވެއްޖެއެވެ.
"ދެން" އަށް މަޢުލޫމާތު ދެމުން ފޮނަދޫ ހެލްތް ސެންޓަރުން ބުނެފައިވަނީ ދެއްވަދޫން ފޮނަދޫއަށް ދަތުރު ކުރި ދެ މީހަކު ކޮވިޑް-19 އަށް ޝައްކު ކުރެވޭތީ ޓެސްޓް ކުރުމުން ފައްސިވެފައިވާ ކަމަށެވެ.
"މިހާރު މިދެމީހުން ތިބީ ފޮނަދޫގައި. ޓެސްޓްގެ ނަތީޖާ ވަނީ ފައްސިވެފައި." ހެލްތް ސެންޓަރގެ މެނޭޖަރ ހަސަން ޚަލީލް ވިދާޅުވިއެވެ.
"ދެން" އަށް މަޢުލޫމާތު ލިބިފައިވާ ގޮތުގައި، މިއީ ދެއްވަދޫން ފައްސިވި ވޭދަނަ އާ ގުޅުން ހުރި ވޭދަނައެކެވެ. އަދި މިދެމީހުން ފޮނަދުއަށް އައިސްފައި ވަނީ ކަރަންޓީންވުމަށް ނޫން ކަމަށްވެސް މަޢުލޫމާތު ލިބެއެވެ. ފައްސިވެފައި ވަނީ ފޮނަދޫގެ ދެ މީހުންނެވެ.
ދެއްވަދޫން ގިނަ ބަޔަކު ކޮވިޑް-19 އަށް ފައްސިވެ، ޖެނުއަރީ 7 ވަނަ ދުވަހު ރަށަށް އަރާ ފޭބުން މަނާ މަނާކޮށްފައެވެ.
