ބަލި ޖެހިފައި ހުރި އެއްވެސް މީހެއް ނެތުމާއެކު، ނިއު ޒީލެންޑު ގެ ލޮކްޑައުން މާދަމާ އުވާލަނީ
މުޅި ގައުމުން ކޮރޯނާ ވައިރަސް ނައްތާލައި، ނިއުޒީލެންޑުގެ މާދަމާ އިން ފަށައިގެން ލޮކްޑައުން އާއި ކޮރޯނާ ވައިރަހާއި ގުޅިގެން އެޅި އިތުރު ސަލާމަތީ ފިޔަވަޅުތައް އުވާލަން ނިންމައިފިއެވެ.
ނިއުޒީލެންޑުގައި ފާއިތުވި 17 ދުވަހުގެ ތެރޭގައި އެއްވެސް ކޭސް އެއް ފެނިފައިނުވާއިރު ބަލި ޖެހިފައިހުރި އެންމެ ފަހު މީހާ ރަނގަޅުވެފައިވާ ކަން އެ ގައުމުގެ ސިއްހަތާއި ބެހޭ އިދާރާއިން ހާމަކޮށްފައިވަނީ މިއަދުއެވެ.
އެގައުމުގައި އެންމެ ފަހުން ބަލިން ރަނގަޅުވެފައިވަނީ 50 އަހަރުގެ އަންހެނެކެވެ. އޭނާ ބަލިން ރަނގަޅުވި ކަން އާންމުކޮށްފައިވަނީ ބަލީގެ އަލާމާތެއް ނުފެންނަތާ 48 ގަޑިއިރު ވުމުންނެވެ.
ލޮކްޑައުން އުވާލަން ނިއުޒީލެންޑުން ނިންމާފައިވާއިރު، އެގައުމުގެ ބޮޑު ވަޒީރާ ޖަސިންދާ އަރޑާން ވަނީ ވަރަށް މިހާރު ގައުމު ލެވެލް 1 އެލާޓަށް އަކަށް ގޮސްފައިވާކަމަށް ވިދާޅުވެފައެވެ.
ލެވެލް 1 ގައި ކައިވެނި ޕާޓީތަކާއި، ޖަނާޒާ ތަކާއި އޮފީސް ތައް ހުޅުވާލައި އަދި އާންމު ދަތުރުފަތުރުތައް ފަށާނެއެވެ. ނަމަވެސް ބޯޑަރު ހުޅުވައެއް ނުލާނެއެވެ.
ނިއުޒީލެންޑުގެ ބޯޑަރު ބަންދުކޮށްފައިވަނީ 19 މާޗުގައެވެ. ލޮކްޑައުން އުވާލިނަމަވެސް އަދިވެސް ކޮންޓެކްޓް ޓްރޭސިން ގެ މަސައްކަތް ދަނީ ކުރިއަށެވެ.
