ވެއްޓުނު ފްލައިޓުގައި އެތައް އާއިލާއެއް، މާބަނޑު އަންހެނެއްގެ އިތުރުން ކުޑަ ކުދިން
އިންޑޮނީޝިއާއިން ފުރިތާ މާ ގިނަ އިރުތަކެއް ނުވެ ގެއްލިފައިވާ ސްރީވިޖާޔާ އެއާގެ ފްލައިޓް "އެސްޖޭވައި 182" ހޯދުމުގެ މަސައްކަތް ކުރަމުން ދިޔައިރު ކަނޑުގެ ސަރަހައްދަކަށް ވެއްޓިފައި އޮއްވާ ފެނި، ރެސްކިއު ޓީމުތަކުން ވަނީ ވެއްޓުނު ސަރަހައްދުގައި ހަރަކާތްތެރިވާން ފަށާފައެވެ.
ވެއްޓުނު ފްލައިޓުގެ ބައިތައް ފެންނަ ކަނޑު އަޑީގެ ވީޑިއޯއެއް ވެސް އިންޑޮނޭޝިއާ އިން ވަނީ ދައްކާލައިފިއެވެ. 62 މީހުންނާއެކު ވެރިރަށް ޖަކާޓާއިން ފުރި ސްރިވިޖާޔާ އެއާގެ ފްލައިޓު ވެއްޓިފައިވާ ސަރަހައްދުގެ އަޑިއަށް ނޭވީގެ ޑައިވަރުން ފީނައިގެން ވަނީ ބޯޓުގެ ބައިތަކާއި އިންސާނުންގެ ހަށިގަނޑުގެ ބައިތައް ނަގަން ފަށައިފައެވެ.
މި ފްލައިޓްގެ ދަތުރުގައި 62 މީހުންގެ ތެރޭގައި ކުޑަކުދިންގެ އިތުރުން މާބަނޑު އަންހެނެއް ހިމެނޭ ކަމަށް ބޭރުގެ ހަބަރުތަކުން ރިޕޯޓް ކޮށްފައި ވެއެވެ. ފްލައިޓު ވެއްޓުމާއެކު ރެސްކިއު ޓީމުތަކުން ވަނީ ވެއްޓުނު ސަރަހައްދުގައި ހަރަކާތްތެރިވާން ފަށާފައެވެ.
“ސީއެންއެން” ނޫހަށް ބަޔަކު ރިޕޯޓްކޮށްފައިވާ ގޮތުން 7 މަހުގެ ތުއްތު ކުއްޖަކާއި އެ އާއިލާގެ 5 މެމްބަރުން އެ ފްލައިޓުގައި ދަތުރު ކޮށްފައިވެއެވެ.މީގެ އިތުރުން މީސް މީޑިއާގައި މިހާރު ދައުރުވަމުންދާ ފޮޓޯއެއްގައި މާބަނޑު އަންހެނެއް ކުޑަ ދެކުދިންގެ ފޮޓޯއާއެކު ފްލައިޓަށް އެރުމަށްފަހު ކޮށްފައިވާ އިންސްޓަގްރާމް ފޯސްޓްއެއްގައި ވާ ގޮތުން އޭނާ ދަތުރު ފަށާފައި ވަނީ ޖަކާޓާގައި ދިރިއުޅޭ އާއިލާ ބަޔަކާ ބައްދަލު ކުރުމަށެވެ.
މި ފްލައިޓު ވެއްޓުމާއެކު ރެސްކިއު ޓީމުތަކުން ވަނީ ވެއްޓުނު ސަރަހައްދުގައި ހަރަކާތްތެރިވާން ފަށާފައެވެ. އޮޕަރޭޝަންގައި 2600 މީހުން ހަރަކާތްތެރިވަމުން އަންނަ ކަމަށް އެގައުމުގެ އޮފިޝަލުން ބުނެއެވެ. ތަހުގީގު ޓީމުން ވަނީ މިހާރު ހޯދިފައިހުރި ހޯދުންތަކަށް ބަލާނަމަ ފްލައިޓު މޫދުގައި ޖެހުނު ވަގުތު ފުނޑުފުނޑު ވެފައިވާކަމަށް ލަފާ ކުރެވޭ ކަމަށް ބުނެފައެވެ.
