ސާރާ އަނެއްކާވެސް ރާއްޖޭގައި
ކުރިއަރަމުން އަންނަ ބޮލީވުޑު ތަރި ސާރާ އަލީ ޚާން އަނެއްކާވެސް ޗުއްޓީ ހޭދަކުރުމަށް ރާއްޖެ އަތުވެއްޖެއެވެ.
ސާރާ ރާއްޖެ އައިސްފައި ވަނީ އިއްޔެގެ ވަގުތެއްގައެވެ. އޭނާ ޗުއްޓީ ހޭދަ ކުރަމުން ދަނީ ޅ.އަތޮޅުގެ ރިސޯޓެއްގައެވެ.
ސާރާ ވަނީ ރިސޯޓުގައި ނަގާފައިވާ ބައެއް ފޮޓޯ ހިއްސާކޮށްފައެވެ. ނަމަވެސް ސާރާ ޗުއްޓީ ހޭދަކުރަމުން އަންނަނީ އެކަނި ކަމެއް ނުވަތަ އެހެން މީހަކާ އެކުގައި ކަމެއް ބުނެފައެއް ނުވެއެވެ.
މިދިޔަ އަހަރު ވެސް ސާރާ ރާއްޖެއަށް ޗުއްޓީ ހޭދަކުރުމަށް އައިސްފައިވާއިރު، އެފަހަރު އައިސްފައި ވަނީ ކޮއްކޮ އިބްރާހިމް އަލީ ޚާން އާއި މަންމަ އަމްރިތާ އާއެކުގައެވެ.
ސާރާ އަލީ ޚާން އަކީ ބޮލީވުޑް ގެ މަޝްހޫރު ތަރި ސައިފް އަލީ ޚާން ގެ ދޮށީ ދަރިފުޅެވެ. ސާރާ ބޮލީވުޑަށް ނުކުތީ 2018 ގެ ފިލްމު "ކޭދަރުނާތު" އިންނެވެ. އޭގެ ފަހުން އޭނާގެ އިތުރު ދެ ފިލްމެއް ވެސް ރިލީޒްވެފައިވެ އެވެ. އެއީ "ސިމްބާ" އާއި "ލަވް އާޖް ކަލް" އެވެ.
އެންމެ ފަހުން ސާރާ ފެނިގެން ގޮސްފައި ވަނީ ވަރުން ދަވަން އާއެކު ކޫލި ނަންބަރު 1 އިންނެވެ.
