ދުވާލަކު 10،000 މީހުންނަށް ވެކްސިން ދެވޭވަރަށް ވެކްސިން ލިބޭނެ: މިނިސްޓަރު
ދުވާލަކު 10،000 މީހުނަށް ވެކްސިން ދެވޭވަރަށް ރާއްޖެއަަށް ކޮވިޑް-19 ވެކްސިން ލިބޭނެ ކަމަށް ހެލްތު މިނިސްޓަރު އަހުމަދު ނަސީމް ވިދާޅުވެއްޖެއެވެ.
ކޮވިޑް-19 ގެ ވެކްސިން ޕްރޮގުރާމު ފެއްޓެވުމަށް މާލޭގެ ސޯޝަލް ސެންޓަރުގައި ބޭއްވި ޚާއްސަ ރަސްމިއްޔާތުގައި ބައިވެރިވެ ވަޑައިގެން ވާހަކަފުޅު ދައްކަވަމުން ހެލްތް މިނިސްޓަރު އަހުމަދު ނަސީމް ވިދާޅުވީ ދުވާލަކު 10،000 މީހުންނަށް ވެކްސިން ޖެހޭވަރަށް ރާއްޖެއަށް ވެކްސިން ގެނެސް، މީހުން ދިރިއުޅޭ ހުރިހާ ރަށެއްގައި ވެކްސިން ޖަހަން ފަށާނެ ކަމަށެވެ.
"މިހާރު މި ޖެހެނީ ވަރަށް މަދު ބަޔަކަށް. މިކަމަށް ފަރިތަވެ ހޭނުނީމާ ހަފްތާ އެއް ތެރޭ މިއަށްވުރެ ބާރަށް ގެންދެވޭނެ،" މިނިސްޓަރު ވިދާޅުވިއެވެ.
ރާއްޖޭގައި ވެސް ވެކްސިން ޖެހުމަކީ ކޮންމެ ރައްޔިތެއްގެ ވެސް މަސްއޫލިއްޔަތެއް ކަން ފާހަގަ ކުރައްވައި މިނިސްޓަރު ވިދާޅުވީ ވެކްސިނަކީ މިކަމުން އަރައިގަތުމަށް އޮތް އެންމެ ރަނގަޅު މަގު ކަމަށެވެ.
ގިނަ މީހުންނަށް ވެކްސިން ދެވިއްޖެ ކަމަށް ވަނީ ވިއްޔާ އަޅުގަނޑުމެންނަށް މިކަމުން ވަރަށް އަވަހަށް އަރައިގަނެވޭނެ،" މިނިސްޓަރު ވިދާޅުވި އެވެ.
ކޮވިޑް-19 އިން ރައްކާތެރިވުމަށް އިންޑިއާގެ ސެރަމް އިންސްޓިޓިއުޓުން ވަނީ އެއް ލައްކަ ވެކްސިން ޑޯޒް ރާއްޖެއަށް ހަދިޔާ ކޮށްފައެވެ. މިއީ މިހާތަނަށް ރާއްޖެއަށް ލިބުނު ހަމައެކަނި ވެކްސިނެވެ.
