Monday, 16 November 2026
Advertisement
Ooredoo — Article-Top (leaderboard)
ޚަބަރު

ޕާކިސްތާނު ސަފީރުގެ އަނބިކަނބަލުން، މެޑަމް ސާޖިދާގެ އަރިހަށް އިހުތިރާމުގެ ޒިޔާރަތެއް

ޕާކިސްތާނުން ރާއްޖެއަށް ކަނޑައަޅުއްވާފައި ހުންނަވާ ސަފީރުގެ އަނބިކަނބަލުން، ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދުގެ އަރިހަށް އިހުތިރާމުގެ ޒިޔާރަތެއް ކުރައްވައިފިއެވެ.

ފޮޓޯ: ރައީސުލްޖުމްހޫރިއްޔާގެ އޮފީސް
ފޮޓޯ: ރައީސުލްޖުމްހޫރިއްޔާގެ އޮފީސް

ޕާކިސްތާނުން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރުގެ އަނބިކަނބަލުން ބޭގަމް ހުމައިރާ ލޯދީ، ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދުގެ އަރިހަށް އިހުތިރާމުގެ ޒިޔާރަތެއް ކުރައްވައިފިއެވެ.

މި ބައްދަލުކުރެއްވުން ބޭއްވީ މިއަދު ރައީސުލްޖުމްހޫރިއްޔާގެ ރަސްމީ ގެކޮޅު، މުލީއާގޭގައެވެ.

މި ބައްދަލުކުރެއްވުމުގައި ރާއްޖެއާއި ޕާކިސްތާނާ ދެމެދު އޮތް ޒަމާންވީ އެކުވެރިކަމާއި އުހުއްވަތްތެރި ގުޅުމުގެ މައްޗަށް ދެ ބޭފުޅުން އަލިއަޅުއްވާލެއްވިއެވެ. ޕާކިސްތާނު ސަރުކާރުން ރާއްޖެއަށް ދެއްވަމުން ގެންދަވާ އެހީތެރިކަމާއި އެއްބާރުލެއްވުމަށްޓަކައި މެޑަމް ސާޖިދާ ވަނީ ޝުކުރު އަދާކުރައްވާފައެވެ. އަދި ދާދިފަހުން އެކަމަނާ ޕާކިސްތާނަށް ކުރެއްވި ރަސްމީ ދަތުރުފުޅުގައި ވިދާޅުވި ހޫނު މަރުހަބާއާއި އަދާކުރެއްވި ފުރިހަމަ މެހެމާންދާރީއަށްޓަކައި ވެސް ޝުކުރު އަދާކުރެއްވިއެވެ.

މީގެއިތުރުން، މި ބައްދަލުކުރެއްވުމުގައި މުޖުތަމައުގައި އަންހެނުން ބާރުވެރިކުރުވުމުގެ މުހިންމުކަމާ ގުޅޭގޮތުންނާއި، ދެ ގައުމުގެ ރައްޔިތުންގެ މެދުގައި އޮތް އިޖުތިމާއީ އަދި ސަގާފީ ގުޅުންތައް އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން ދެ ބޭފުޅުން މަޝްވަރާކުރެއްވިއެވެ.

ބޭގަމް ހުމައިރާ ލޯދީގެ ވާހަކަފުޅުގައި، ރައީސުލްޖުމްހޫރިއްޔާގެ އަނބިކަނބަލުންނަށާއި ދިވެހި ސަރުކާރާއި ރައްޔިތުންނަށް ހެޔޮއެދުންތައް އަރިސްކުރެއްވިއެވެ. އަދި ދެ ގައުމުގެ ދެމެދުގައި އޮތް ތާރީހީ ގުޅުން ކުރިމަގުގައި ވެސް އެކި ދާއިރާތަކުން އިތުރަށް ފުޅާވެ، ބަދަހިވެގެންދާނެ ކަމުގެ ޔަގީންކަން އެކަމަނާ ވަނީ ދެއްވާފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.