ދޯންޏެއްގައި މާރާމާރީ ހިންގި ބިދޭސީއަކު ހޯދަނީ

ދޯންޏެއްގައި މާރާމާރީ ހިންގި ބިދޭސީއަކު ހޯދަން ފުލުހުން އިއުލާންކޮށްފިއެވެ.
ފުލުހުން ހޯދަން އިއުލާންކުރީ ބަންގްލަދޭޝްގެ ރައްޔިތެއްކަމަށްވާ ރޮކިބް ހޮސައިން (24އ) އެވެ.
އޭނާއަކީ މި މަހުގެ 13ވަނަ ދުވަހު ހުޅުމާލެ ފޭސް 1 ފަޅުގައި އޮތް ސަޕްލައި ދޯންޏެއްގައި ބިދޭސީންތަކެއްގެ މެދުގައި މާރާމާރީއެއް ހިންގުމަށް ފަހު ފިލައިގެން އުޅޭ ބިދޭސީއެއް ކަމަށް ފުލުހުން ބުންޏެވެ.
އެހެންކަމުން ރޮކިބް ހޮސައިނާ ބެހޭ އެއްވެސް މައުލޫމާތެއް އެނގޭ ފަރާތެއްވާނަމަ ފުލުހުންގެ ހޮޓްލައިން ނަންބަރު 3322111އަށް ނުވަތަ ހުޅުމާލެ ސީރިއަސް ކްރައިމް އިންވެސްޓިގޭޝަންގެ ނަންބަރު 9113900އަށް ގުޅައި ހިއްސާކުރަން ފުލުހުން ވަނީ އިލްތިމާސްކޮށްފައެވެ.
އެފަދަ ކަންކަމުގައި އާންމު ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފާހަގަކޮށް ފުލުހުން ވަނީ ޝުކުރު ވެސް އަދާކޮށްފައެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.