Wednesday, 18 November 2026
Advertisement
HDC — Share-Below (leaderboard)
ޚަބަރު

ސަރުކާރުގެ ތިން އަހަރުގެ ކާމިޔާބީތައް ހިމެނޭ ފޮތް ރައީސް ނެރެދެއްވައިފި

ސަރުކާރަށް ތިން އަހަރު ފުރުމާ ގުޅިގެން، ވޭތުވެދިޔަ މުއްދަތުގައި ހާސިލުކުރި ކާމިޔާބީތައް ހިމެނޭ ހާއްސަ ފޮތެއް ރައީސުލްޖުމްހޫރިއްޔާ މިރޭ ނެރުއްވައިފިއެވެ.

ފޮޓޯ: ރައީސުލްޖުމްހޫރިއްޔާގެ އޮފީސް
ފޮޓޯ: ރައީސުލްޖުމްހޫރިއްޔާގެ އޮފީސް

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަށް ތިން އަހަރު ފުރުން ފާހަގަކުރުމަށް މިރޭ ބޭއްވި ޚާއްޞަ ޖަލްސާގައި، ވޭތުވެދިޔަ ތިން އަހަރުގެ ކާމިޔާބީތައް ހިމެނޭ ފޮތެއް އެމަނިކުފާނު ނެރުއްވައިފިއެވެ.

މި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، ސަރުކާރުގެ ފުރަތަމަ ދެ އަހަރާ އަޅާބަލާއިރު ނިމިދިޔަ އަހަރުގެ ތެރޭގައި ގިނަ މަސައްކަތްތަކެއް ކުރެވިފައިވާ ކަމަށެވެ. އަދި މި މަސައްކަތްތަކުގެ ތަފުސީލުތައް ރައްޔިތުންނަށް ފަސޭހައިން ބަލައިލެވޭނެ ގޮތަށް ޑިޖިޓަލްކޮށް ވެބްސައިޓުން ޑައުންލޯޑް ކުރެވޭނެ އިންތިޒާމު ހަމަޖައްސާފައިވާ ކަމަށް އެމަނިކުފާނު ވިދާޅުވިއެވެ.

"އަޅުގަނޑުމެން ގަސްތުކުރީ ކުރީ ދެއަހަރާ ތަފާތުކޮށްލާފަ މިދިޔަ ތިން އަހަރު ދުވަހު ކުރެވުނު މަސައްކަތް ތިބޭފުޅުންނަށް ފޯނުން ޑައުންލޯޑްކޮށްލެވޭ، ފޯނުން ވަދެ ބަލާލެވޭ ގޮތަށް ޑިޖިޓަލް ޒަރީއްޔާއިން ކިޔާލެވޭ ކަހަލަ ފޮތެއްގެ ގޮތުގައި 156 ހަފްތާގެ މަސައްކަތް ފުރަތަމަ ވެސް ތިބޭފުޅުންނަށް އިފްތިތާހުކޮށްދޭން،" ރައީސް ވިދާޅުވިއެވެ.

ރައީސް އިތުރަށް ވިދާޅުވީ، ކުރިއަށް އޮތް ތަނުގައި މި ފޮތުގެ ޗާޕުކޮށްފައިވާ ކޮޕީތައް ވެސް ލިބޭނެ އިންތިޒާމު ހަމަޖައްސަވާނެ ކަމަށެވެ. މިރޭގެ ޖަލްސާގައި އެމަނިކުފާނު ވަނީ މިދިޔަ ތިން އަހަރުގެ މައިގަނޑު ކާމިޔާބީތަކުގެ ޚުލާސާއެއް ވެސް ހިއްސާކުރައްވާފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.