ޓައިގާ 3: ސަލްމާން އާއި އިމްރާން ހޭޝްމީ އެކުގައި ފެނިގެންދާ ފުރަތަމަ ފިލްމު
އޭކް ދަ ޓައިގާ އާއި ޓައިގާ ޒިންދާ ހޭ ގެ ތިން ވަނަ ފިލްމު ޓައިގާ 3 ގެ ވިލަންގެ ރޯލުން އިމްރާން ހޭޝްމީ ފެނިގެންދާނެ ކަމަށް ރިޕޯޓުތައް ބުނެފިއެވެ.
މި ފަހަރުގެ ފިލްމުގައި ވެސް ލީޑް ރޯލުން ސަލްމާން ޚާން އާއި ކެޓްރީނާ ކައިފް ފެނިގެންދާއިރު، މި ފިލްމު ވެގެން ދާނީ މި ދެ ތަރިންނާއެކު އިމްރާން ހޭޝްމީ މަސައްކަތް ކުރާނެ ފުރަތަމަ ފިލްމަށެވެ.
މި ފަހަރު ޓައިގާގެ ތިން ވަނަ ބައި ގެނެސްދޭނީ ވައިއާރްއެފްގެ ދަށުންނެވެ. އަދި މި ފިލްމު ޑައިރެކްޓް ކުރާނީ މަނީޝް ޝަރްމާ އެވެ. މި ފިލްމު ކުޅުމަށް ސަލްމާން މިހާރު ވަނީ އެއްބަސްވެފައެވެ.
ދެހާސް ބާރަ ވަނަ އަހަރު ސީކުއަލްގެ ފުރަތަމަ ފިލްމު "އޭކް ދަ ޓައިގާ" ގެނެސްދިނީ ކަބީރު ހާން އެވެ. އޭގެ ފަހުން 2017 ވަނަ އަހަރު ވަނީ "ޓައިގާ ޒިންދާ ހޭ" ގެނެސްދީފައެވެ. މި ފިލްމުގެ ތިން ވަނަ ބަޔަށް ކިޔާ ނަމެއް އަދި ހާމަކޮށްފައެއް ނުވެއެވެ.
މި ފިލްމު ރިލީޒް ކުރާނީ 2022 ގައި ކަމަށް ބައެއް ޚަބަރުތައް ބުނެއެވެ.
Ads by STO
