ދަރިފުޅުގެ އަތުގައި ހިފުމުން އައިޝްވާރިޔާ ހޫނުފެނަށް

ދަރިފުޅު އަރާދްޔާގެ އަތުގައި ހިފައިގެން ދާ ފޮޓޯތަކަކާ ގުޅިގެން ބޮލީވުޑު ތަރި އައިޝްވާރިޔާ ރާއީ ބައްޗަން ހޫނު ފެނަށް ވެއްޓިއްޖެއެވެ.

Ads by MWSC

މުމްބާއީ އެއާޕޯޓުގައި މި ދެމައިން ހިނގާފައި ދަނިކޮށް ނަގާފައިވާ ފޮޓޯއިން ފެނިގެން ދަނީ އާރާދްޔާގެ އަތުގައި އައިޝްވާރިޔާ އަތުގައި ހިފައިގެން ދާ ތަނެވެ. އަދި ކައިރީގައި އަބީޝެކް ބައްޗަން ވެސް ފެނިގެންދެއެވެ.

އެއާޕޯޓް ތެރެއިން ގިނަ އަދަދެއްގެ ޕަޕަރާޒީން އައިޝްވާރިޔާ ވަށާލި އިރު، އައިޝްވާރިޔާ ހުރީ 9 އަހަރުގެ ދަރިފުޅުގެ އަތުގައި ހިފައިގެންނެވެ. އެއާ ގުޅިގެން އައިޝްވާރިޔާ އަށް ވަނީ ނޫސްވެރިންގެ ބޮޑު ފާޑު ކިޔުމެއް އަމާޒުވެފައެވެ.

އަދި އައިޝްވާރިޔާއަކީ "އޯވާޕްރޮޓެކްޓިވް" މަންމައެއްގެ ގޮތުގައި ވަނީ ސިފަކޮށްފައެވެ. އަދި ދަރިފުޅަށް ދޭން ޖެހޭ މިނިވަން ކަން ނުދޭ ކަމަށް ވެސް ގިނަ ބަޔަކު ވަނީ ބުނެފައެވެ.