އެސްޓީއޯއިން ޕެޓްރޯލާއި ޑީސަލްގެ އަގު ބޮޑުކޮށްފި
މިއަދުން ފެށިގެން، އެސްޓީއޯއިން ވިއްކަމުން އަންނަ ޕެޓްރޯލާއި ޑީސަލްގެ އަގު ބޮޑު ކުރުމަށް ނިންމައިފިއެވެ.
އެސްޓީއޯއިން ބުނީ މިއަދުން ފެށިގެން ޕެޓްރޯލް ލީޓަރަކުން 0.37 ލާރި ބޮޑު ކޮށްފައި ވާކަމަށާއި އެގޮތުން އަގަށް ގެނައި މި ބަދަލާއެކު، މިއަދުން ފެށިގެން ޕެޓްރޯލް ލީޓަރެއް ލިބޭނީ 8.44ރ. އަށް ކަމަށް އެސްޓީއޯއިން ބުނެއެވެ. މީގެ ކުރިން އެސްޓީއޯއިން ޕެޓްރޯލް ލީޓަރެއް ވިއްކަމުން އައީ 8.07ރ. އަށެވެ.
މީގެ އިތުރުން އެސްޓީއޯއިން ވިއްކަމުން އައި ޑީސަލްގެ އަގަށް ވެސް ވަނީ ބަދަލު ގެނެސްފައެވެ. ޑީސަލް ލީޓަރަކުން 0.48 ލާރި އެސްޓީއޯއިން ބޮޑު ކޮށްފައި ވާއިރު އިއްޔެ އާ ހަމައަށް 8.71ރ. އަށް ވިއްކަމުން އައި ޑީސަލް ލީޓަރެއް މިހާރު ލިބޭނީ 9.19ރ. އަށެވެ.
ރާއްޖޭގައި ތެޔޮ ވިއްކާ އަގު ބޮޑު ކޮށްފައި މިވަނީ ދުނިޔޭގެ ބާޒާރުގައި ތެލުގެ އަގު ބޮޑުވެފައި ވާތީ ކަމަށް އެސްޓީއޯއިން ބުނެއެވެ.
