ކޮވިޑަށް ވުރެ ބާރުގަދަ ވައިރަހެއް އޭޟިޔާގެ ބައެއް ގައުމުތަކުގައި ފެތުރެނީ
ޗައިނާގެ ރިޕޯޓްތަކުން ކޮވިޑް 19 އަށް ވުރެ ނުރައްކާ ބައްޔެއް އޭޝިއާ ބައްރަށް ނިސްބަތް ވާ ގައުމު ތަކަށް ފެތުރިގެން ކަމަށް ދައްކައިފިއެވެ.
ކަޒަކިސްތާންގެ ސަރަހައްދުތަކުން ވަނީ ޖޫން މަހުގެ މެދުތެރޭގައި މި ބަލީގެ އަސަރު ފެނިފައެވެ. މި ބަލީގައި 32،000 ކޭސް ވަނީ ޖޫން މަހުގެ 29 އިން ޖުލައި މަހުގެ 5 ގެ ނިޔަލަށް ދާންދެން ފެނިފައެވެ. އަދި މި ބަލީގައި 451 މަރު ވެފައިވާ ކަމަށް ގައުމުގެ ސިއްހަތާ ބެހޭ މިނިސްޓްރީގެ ރިޕޯޓް ތައް ބުނެއެވެ.
ކަޒަކަސްތާން ގައި ހުންނަވާ ޗައިނީސް އެންބަސީ އިން ބުނެފައިވަނީ އެ ގައުމުގައި މި ނުރައްކާތެރި ބައްޔާއި ހެދި 1،772 މަރާއި ކުރިމަތި ލާން ޖެހިފައިވާ ކަމަށާއި އޭގެ ތެރޭގައި ޗައިނާގެ ބޮޑެތި ވެރިން ވެސް ހިމެނިފައިވާ ކަމަށެވެ.
މި ނުރައްކާތެރި ބައްޔަށް ދެވިފައިވާ ނަމަކީ "އަންނޯން ނިއުމޯނިއާ" އެވެ. މި ބަލީގައި މަރުވެފައިވާ މީހުންގެ އަދަދު ވަނީ ކޮރޯނާ ވައިރަހުގައި މަރުވި މީހުންނަށް ވުރެ އިތުރު ވެފައެވެ. މި ބައްޔަކީ ކޮން ކަހަލަ ބައްޔެއްތޯ ހޯދުމަށް ދަނީ އެކި ހޯދުންތައް ހޯދަމުންނެވެ. ޗައިނާގައި ގައުމީ ހިދުމަތް ކުރައްވާ ބޭފުޅުންނަށް އަންގަވާފައި ވަނީ ކޮރޯނާ ވައިރަހެކޭ އެއްފަދައިން މި ވައިރަހުން ވެސް ސަލާމަތް ވުމަށްޓަކައި ސަލާމަތީ ފިޔަވަޅުތަށް ބޭނުން ކުރުމަށެވެ.
ކަޒަކަސްތާންގެ ސިއްހަތާއި ބެހޭ ވަޒީރު ބުނެފައިވާ ގޮތުގައި 300 އެއްހާ މީހުން މި ބަލީގައި އެނދުމަތި ކުރެވިފައިވެއެވެ.
އެ ގައުމުގެ ސިއްހަތާއި ބެހޭ ވަޒީރު ބުނެފައިވާ ގޮތުގައި ކަޒަކަސްތާންގައި މި ބަލި ވަނީ ޖޫން މަހުގައި ހަތަރު ގުނަ އިތުރުވެފައެވެ. މީގެ އިތުރުން ނިއުމޯނިއާ އަކީ ފުއްޕާމޭގައި އުފެދޭ ބައްޔެށް ކަމަށް ވެއެވެ.
