އަންނަ ހަފްތާގައި ވެސް ގްރޭޑް 7 އިން ދަށުގެ ގްރޭޑްތަކަށް ކިޔަވައިދެނީ އޮންލައިންކޮށް
އަންނަ ހަފްތާގައި ވެސް ގްރޭޑް 7 އިން ދަށުގެ ގްރޭޑްތަކަށް ކިޔަވައި ދޭނީ އޮންލައިންކޮށް ކަމަށް އެޑިއުކޭޝަން މިނިސްޓްރީން ކަނޑައަޅައިފިއެވެ.
އެމިނިސްޓްރީން މިއަދު ނެރުނު އިއުލާނުގައި ވިދާާޅުވެފައި ވަނީ ކުރިއަށް އޮތް ހަފްތާގައި (21 މާރިޗް 2021 އިން 25 މާރިޗް 2021 އަށް) މާލެ ސަރަޙައްދުގެ ސްކޫލްތަކުގެ އެލްކޭޖީން ފެށިގެން ގްރޭޑް 6 އާ ހަމައަށް ކިޔެވުން ކުރިއަށް ގެންދިޔުމަށް ހަމަޖެހިފައި ވަނީ އޮންލައިންކޮށް ކަމަަށެވެ.
އަދި، ގްރޭޑް 7 އިން ފެށިގެން 12 ގެ ދަރިވަރުންގެ ކިޔެވުން ކުރިއަށް ގެންދިޔުމަށް ހަމަޖެހިފައިވަނީ ސްކޫލަށް ޙާޟިރު ވެގެން ކަމަށް ވެސް އެޑިއުކޭޝަން މިނިސްޓްރީގެ އިއުލާނުގައި ވެއެވެ.
މާލެ ސަރަހައްދުގެ ސުކޫލްތަކުގެ ކިޔެވުން އޮންލައިންކޮށް، ބަދަލުކޮށް ކިޔަވައިދޭން ފެށީ ކޮވިޑްގެ ތިން ވަނަ ރާޅާއެކުގައި ކޭސްތައް އިތުރުވާން ފެށުމާ ގުޅިގެންނެވެ.
ރާއްޖޭ ކޮވިޑް-19 ގެ ޕޮޒިޓިވް ކޭސްތައް އަދިވެސް ދަނީ އިތުރު ވަމުންނެވެ. އެގޮތުން އިއްޔެ ވެސް 142 މީހުން ވަނީ ބައްޔަށް ފައްސި ވެފައެވެ.
Ads by STO
