ވެކްސިން ޖެހި މީހަކު ކަރަންޓީނުގައި ހުއްޓާ ނިޔާވެއްޖެ
ގދ. ރަތަފަންދޫ ގައި ، ކޮވިޑް-19 އިން ރައްކާތެރިވުމަށް ވެކްސިން ޖެހި މީހަކު ކަރަންޓީނުގައި ހުއްޓާ ނިޔާ ވެއްޖެއެވެ.
ރަތަފަންދޫ ކައުންސިލުގެ ރައީސް ހުނައިފް އަސްލަމް "ދެން" އަށް މައުލޫމާތު ދެއްވަމުން ވިދާޅުވީ، މިއަދު 13:00 ހާއިރު އުމުރުން 67 އަހަރުގެ އަންހެނަކު ނިޔާވެފައިވާ ކަމަށާއި ނަމަވެސް ނިޔާވީ ވެކްސިންގެ ސަބަބުން ކަމަށް ވިދާޅުވަން ނޭނގޭ ކަމަށެވެ.
"ވެކްސިން ޖަހާފައި އެދައްތަ ހުރީ، އެކަމަކު ސީދާ ނޭނގޭ ވެކްސިންގެ ސަބަބުން ކަމެއް. އިންސާނެއްގެ އަޖަލެއް ނޭނގޭނެތާ" ހުނައިފު ވިދާޅުވިއެވެ.
އެއަންހެން މީހާ ވެކްސިން ޖެހީ މިދިޔަ މަހު 25 ގައި ކަމަށާއި، މާލޭގައި ހުރުމަށް ފަހު ރަށަށް ދިޔައީ އިއްޔެގެ ވަގުތެއްގައި ކަމަށް ވެސް ހުނައިފު ވިދާޅުވިއެވެ.
މީގެއިތުރުން ހުނައިފު ވިދާޅުވީ ނިޔާވި މީހާ އުޅުނީ ބަލިވެ ނޫން ކަމަށާއި ނަަމަވެސް ފްލައިޓުން އިއްޔެ ފޭބިއިރު ފައި ، ސިޑީގައި ޖެހި ތަދުވާ ކަމަށް ބުނި ކަމަށެވެ.
މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މިފަދަ ހިތްދަތި ވަގުތެއްގައި ޢާއިލާއަށް ކެތްތެރިކަން ދެއްވާށިއެވެ! އާމީން
إِنَّا لِلّهِ وَإِنَّـا إِلَيْهِ رَاجِعُون
މި ސަރުކާރު ޗީޕް އިނޑިޔާ ގެ ސކްރީނިންގް މިތާ ފެއިލް ފެއިލް ނެއް ސަލިމޖތެއް ގިއުމު އަޑިޔައް ގޮސި ޔަހޫޑް ވެރިކަން ބާއި މޯލްޑިވްސް