މި އަހަރުގެ އޭލެވެލް އިމްތިހާނު ހަދާ ތާރީޚު އަވަސްކޮށްފި
2021 ވަނަ އަހަރުގެ މޭ/ޖޫން މަހުގައި ބޭއްވުމަށް ތާވަލު ކުރެވުނު އޭލެވެލް އިމްތިހާނު ހަދަން ހަމަޖެހިފައިވާ ތާރީޚު އަވަސް ކޮށްފައިވާ ކަމަށް އެޑިއުކޭޝަން މިނިސްޓްރީން ބުނެފިއެވެ.
އެގޮތުން އެޑެކްސެލްއިން މިއަހަރުގެ އޭލެވެލް އިމްތިހާނުގެ ތާވަލު އިއްޔެ އާންމު ކޮށްފައިވާއިރު، އޭލެވެލް ގެ އެންމެ ފުރަތަމަ އިމްތިހާނު އޮތީ 26 އޭޕްރީލް ގައެވެ.
މިކަމާ ގުޅޭގޮތުން އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރު މުހައްމަދު އިހްސާން އޮންލައިން ނޫސް ސީއެންއެމްއަށް މައުލޫމާތު ދެއްވަމުން ވިދާޅުވީ އެ އިމްތިހާނަކީ ޑިޕާޓްމަންޓް އޮފް ޕަބްލިކް އެގްޒަމިނޭޝަނުން ބާއްވާ އިންތިހާނެއް ނޫން ކަމަށެވެ. އަދި އެ އިމްތިހާނަކީ އެޑެކްސެލުން ބާއްވާ އިމްތިހާނެއް ކަމަށް ވުމުން އެތަނުން މިހާރު އިމްތިހާނު ބާއްވާނެ ދުވަސްތައް އިއުލާން ކޮށްފައިވާ ކަމަށެވެ. އަދި އިމްތިހާނު ކުރިއަށް ދާނީ ވެސް އެ ތާވަލާ އެއްގޮތަށް ކަމަށް ވެސް އިހުސާން ވިދާޅުވިއެވެ.
އިހްސާން އިތުރަށް ވިދާޅުވީ އެޑެކްސެލްއިން އާންމު ކޮށްފައިވާ އިމްތިހާނާ ގުޅިގެން ސްކޫލުތަކަށް އަންގަން ޖެހޭ އެންގުން މާލަސްތަކެއް ނުވެ އަންގާނެ ކަމަށެވެ.
