އަލިފުށިން ކުޑަ ކުއްޖަކު ކޮވިޑް-19 އަށް ފައްސިވެ، ރަށް މޮނީޓަރިންގަށް ލައިފި

ރ. އަލިފުށިން ކުޑަ ކުއްޖަކު ކޮވިޑް-19 އަށް ފައްސިވެ، އެ ރަށް މޮނީޓަރިންގަށް ލައިފިއެވެ.

Ads by Sosun Fihaara

އަލިފުށީ ކައުންސިލު ރައީސް ޢަބްދުﷲ ރާޒީ "ދެން" އަށް މައުލޫމާތު ދެއްވަމުން ވިދާޅުވީ އެރަށުން ފައްސި ވެފައިވަނީ ތުއްތު އަންހެން ކުއްޖެއް ކަމަށެވެ.

"ދެ އަހަރު އަދި އެކުއްޖާއަށް ނުފުރޭނެ. ރަށް މިހާރު ވަނީ މޮނީޓަރިންގަށްލާފަ." ރާޒީ ވިދާޅުވިއެވެ.

އަލިފުށިން މިރޭ ފައްސިވީ ތުއްތު ކުއްޖާ އަކީ ވެސް އުނގޫފާރު ކްލަސްޓާއާ ގުޅުންހުރި ކޭސް އެއް ކަމަށް ވެސް ރާޒީ ވިދާޅުވިއެވެ.

އުނގޫފާރު ކްލަސްޓާއާ ގުޅިގެން މިވަގުތު އެރަށުގެ އިތުރުން ކ.ހުރާ، ޅ.ނައިފަރު، ރ.މަޑުއްވަރީ، ރ.އަލިފުށި ވަނީ މޮނީޓަރިންގަށް ލައިފައެވެ.

މިހާރު ރާއްޖޭގައި މުޅިއަކު 23،237 މީހުން ކޮވިޑަށް ފައްސި ވެފައިވެއެވެ. އަދި 20،529 މީހުން މިބަލިން ރަނގަޅު ވެފައިވާއިރު 66 މީހުން މިބަލީގައި ނިޔާވެފައިވެއެވެ.