ބޭބީ ނާސަރީ އަދި ނާސަރީ ކުދިން ވެސް ސްކޫލަށް ހާޒިރު ކޮށްގެން ކިޔަވައިދެނީ
މިއަދުން ފެށިގެން މާލެ ސަރަޙައްދުގެ ސްކޫލުތަކުގައި ބޭބީ ނާސަރީ އަދި ނާސަރީ ދަރިވަރުން ސްކޫލަށް ޙާޒިރުކޮށްގެން ކިޔަވައިދިނުމަށް ސަރުކާރުން ނިންމަވައިފިއެވެ.
މިނިސްޓްރީ އޮފް އެޑިއުކޭޝަނުން މިރޭ ނެރުއްވި އިއުލާނެއްގައި އާންމުކޮށްފައި ވަނީ ކޮވިޑް-19ގެ ރާއްޖޭގެ މިހާރުގެ ހާލަތަށް ބަލައި، މިއަދުން ފެށިގެން މާލެ ސަރަޙައްދުގެ ސްކޫލްތަކުގައި ބޭބީ ނާސަރީ އަދި ނާސަރީ ދަރިވަރުން ސްކޫލަށް ހާޒިރު ކޮށްގެން ކިޔަވައި ދިނުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ހުއްދަ ދެއްވާފައިވާތީ، އެ ހުއްދަ ސްކޫލްތަކަށް ދެއްވައިފައިވާ ކަމަށެވެ.
ހަލުވިކަމާއެކު ކޮވިޑް-19 ފެތުރުމާ ގުޅިގެން މާލެ ސަރަޙައްދު (މާލެ، ވިލިމާލެ، ހުޅުމާލޭ) ގެ ޕްރީސްކޫލްތަކުގެ ކިޔެވުން ވެސް ވަނީ އޮންލައިންކޮށް ކިޔަވައިދޭ ގޮތަށް ބަދަލު ކޮށްފައެވެ.
އެހެންނަމަވެސް ކޮވިޑްގެ ހާލަތަށް އެޗްޕީއޭއިން މިއަދު ލުއި ދެއްވައި، ސްކޫލަށް ހާޒިރުވެގެން ކިޔަވައިދޭ ގޮތަށް ހުއްދަ ދެއްވުމުން، ބޭބީ ނާސަރީން ފެށިގެން ގްރޭޑް 12އާ ހަމައަށް ދެން ކިޔެވުން ކުރިއަށް ގެންދާނީ ސްކޫލުތަކަށް ހާޒިރު ކޮށްގެންނެވެ.
Ads by STO
