Tuesday, 17 November 2026
Advertisement
MWSC — SmartMeter (leaderboard)
ޚަބަރު

ސަފާރީ ކޭސްގެ މައްސަލާގައި މެންދުރު އޮންލައިނާ މެދު ފިޔަވަޅު އަޅައިދޭން އެދެފި

ސަފާރީ ކޭސްގެ މައްސަލާގައި މެންދުރު އޮންލައިނާ މެދު ފިޔަވަޅު އަޅައިދޭން އެދެފި

ހުޅުމާލޭ ބޭރުގައި އޮތް ސަފާރީގައި ބިދޭސީ އަންހެނަކަށް ޖިންސީ ގޯނާކުރި މައްސަލައިގައި އަނިޔާ ލިބުނު އެ މީހާ ކުރީގެ ބަންޑާރަ ނައިބު އައިޝަތު އާޒިމާ ޝަކޫރާ މުއާމަލާތް ކޮށްފައިވާ ކަމަށް ބުނެ "މެންދުރު އޮންލައިން" އިން ނެރުނު ބަޔާން ނަގަން އެންގުމުން ވެސް އެގޮތަށް އަމަލުކޮށްފައި ނުވާތީ އެ ނޫހާއި މެދު ފިޔަވަޅު އަޅައިދެން އެ އަންހެން މީހާގެ ވަކީލުން އެދިއްޖެއެވެ.

މެންދުރު އޮންލައިނުން ދާދިފަހުން ނެރުނު ބަޔާނެއްގައި ވަނީ ސަފާރީ ކޭސްއާ ގުޅިގެން އަނިޔާ ލިބުނު މީހާ ވާހަކަތައް ކިޔައިދޭން އުނދަގޫވާ ކަމަށް ބުނެ، ކަން ހިނގައިދިޔަ ގޮތުގެ ތަފްސީލު އެ ނޫހަށް ކިޔައިދިނީ އާޒިމާ ޝުކޫރު ކަމަށް ބުނެފައެވެ.

އެ ކަމާ ގުޅިގެން އެ އަންހެން މީހާ ތަމްސީލު ކުރާ ލޯ ފާމް ރިޒާ އެންޑް ކޯ އެލްއެލްޕީއިން މި މަހުގެ 23 ވަނަ ދުވަހު ނެރުނު ބަޔާނެއްގައި ބުނެފައި ވަނީ، ކެންޔާގެ އަންހެން މީހާއާ އާޒިމާ ޝަކޫރު ވާހަކަ ދެއްކި ކަމަށް ބުނާ ވާހަކަތަކަކީ ސައްހަ ނޫން ވާހަކަތަކެއް ކަމަށެވެ. އަދި މެންދުރު އޮންލައިންގެ ބަޔާން ވެބްސައިޓުން ނަގަންވެސް އަންގާ ކަމަށް އެ ބަޔާނުގައި ބުނެފައިވެއެވެ.

Advertisement
Ooredoo — Truecaller (box)

އެހެން އެންގި ނަމަވެސް، އަދިވެސް އެ ބަޔާން ނަގާފައި ނުވާތީ އެކަމާ ގުޅިގެން ވީ އެންމެ އަވަހަށް ފިޔަވަޅު އަޅައިދިނުމަށް އެދި މިއަދު ފުލުހުންނަށާއި، މީޑިއާ ކައުންސިލަށާއި، ހޯމް މިނިސްޓްރީއަށް ސިޓީ ފޮނުވާފައިވާ ކަމަށް މިއަދު ނެރުނު ބަޔާނެއްގައި ރިޒާ އެންޑް ކޯ އެލްއެލްޕީއިން ވަނީ ބުނެފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.