ފިރުޝާންގެ ދާއިރާގެ މައިރަށުން އޭނާއަށް އެންމެ ގޮނޑިއެއް ވެސް ނުހޯދުނު
ރައްޔިތުންގެ މަޖިލީހުގެ މަޑަވެލީ ދާއިރާގެ މެމްބަރު ހުސައިން ފިރުޝާނުގެ އެމްޑީޕީއަށް މަޑަވެލިން އެންމެ ގޮނޑިއެއް ވެސް ނުހޯދުނެވެ.
މިހާތަނަށް ސާފުވެފައިވާ ނަތީޖާތަކަށް ބަލާއިރު މަޑަވެލީގެ ހުރިހާ ވޯޓް ފޮއްޓަކުން ވެސް ކުރި ހޯދައިފައި ވަނީ ޕީޕީއެމްގެ ކެނޑިޑޭޓުންނެވެ. މި ނަތީޖާއަށް ބަލާއިރު މަޑަވެލީގެ ފަސް ގޮނޑި ވެސް ޕީޕީއެމަށް ވަނީ ކަށަވަރު ވެފައެވެ.
މަޑަވެލީގެ ފަސް ގޮނޑި ޕީޕީއެމުން ހޯދައިފައިވާއިރު ، މި އިންތިޚާބުގައި ޕީޕީއެމްގެ ކެމްޕޭން ލީޑު ކޮށްފައި ވަނީ މަޑަވެލީ ދާއިރާގެ ކުރީގެ މެމްބަރު މުއާޒު މުހައްމަދު ރަޝީދާއި ގައްދޫ ދާއިރާގެ ކުރީގެ މެމްބަރު އަހުމަދު ރަޝީދެވެ.
މި އިންތިޚާބުގައި ޕީޕީއެމުން ވަނީ ބޮޑު ކާމިޔާބެއް ހޯދައިފައެވެ. އެ ގޮތުން އަތޮޅުތަކުގެ ރައީސުންގެ ގިނަ ގޮނޑިތަކެއް އެ ޕާޓީން ކަށަވަރު ކުރި އިރު މާލޭގެ މޭޔަރުކަން ހިމެނޭ ގޮތަށް މެޖޯރިޓީ ހޯދައިފައި ވަނީ ވެސް ޕީޕީއެމުންނެވެ.
ހަމަހޭގަތޯ؟؟ ފިރުޝާނަކީ ގދ.ހޯނޑެއްދޫ ކުއްޖެކޭ. ހޯނޑެއްދޫ ކައުންެެސިލް 5 ގޮނޑި ކާމިޔާބު ކުރީ އެމް.ޑީ.ޕީ
ބުރާންޗާ..! އެއޮތީ “ދާއިރާގެ މައިރަށުން…” ނޭ..! ވާނުވާ ނޭނގުނަސް ކޮމެންޓު ކުރާތި..!
ކޮމެންޓު ކުރުމުގެ ކުރިން ރީތިކޮށް ކިޔާލިނަމަ؟؟
މަޑަވެލީގަ ހުންނާނީ ގޮޑި، ގޮނޑިއެއް ނުހުންނާނެ!