ރާއްޖޭގެ މަޝްހޫރު ދީނީ ޖަމިއްޔާއެއް ކަަމަށްވާ ޖަމިއްޔަތުލް ސަލަފްއިން، މަސްތުވާތަކެތީގެ ޝިކާރައަކަށް ވެފައިވާ ޒުވާނުންނަށް ހާއްސަ ކޮށްގެން ރިހެބްލިޓޭޝަން ސެންޓަރެއް ހުޅުވަން ބޭނުންވާ ކަން ހާމަކޮށްފިއެވެ.
Ads by MWSC
ސަލަފްގެ ރައީސް އައްޝައިޚް އަބްދު ﷲ ބިން މުހަންމަދު އިބުރާހިމް ކުރެއްވި ޓުވީޓެއްގައި ވިދާޅުވީ މަސްތުވާއެއްޗެހީގެ ޝިކާރައަކަށްވާ ޒުވާނުން ރީހެބްކޮށް، އަނބުރާ މުޖްތަމަޢުގައި ބޭނުން ހިފޭ، ފައިދާހުރި މުވާޠިނުންނަށް ހެދުމުގެ ބުރަމަސައްކަތް ހިންގުމުގެ ޝައުޤުވެރިކަން ސަލަފް ޖަމްއިއްޔާއިން ފާޅުކުރާ ކަމަށެވެ.
އޯގާވަންތަ މާތް ﷲގެ ޙަޟްރަތުން ވާގިއެދޭ ޙާލު، އެ މަސައްކަތް ފައްޓާކަމަށް ވެސް އޭނާ ވިދާޅުވިއެވެ.
މަސްތުވާތަކެއްޗަށް ދެވި ހިފާފައިވާ މީހުންނަށް ފަރުވާދިނުމަށް ޚާއްސަ ކުރެވިފައިވާ ރިހެބިލިޓޭޝަން އަދި ޑިޓޮކްސިފިކޭޝަން ސެންޓަރުތައް ޤާއިމުކުރުމުގެ ފުރުޞަތު އަމިއްލަ ފަރާތްތަކަށް ވަނީ ހުޅުވާލައި އިއުލާން ކޮށްފައެވެ.
ނޭޝަނަލް ޑްރަގް އޭޖެންސީ (އެންޑީއޭ)އިން ކުރި އިޢުލާނެއްގައި ބުނީ މަސްތުވާތަކެތި ބޭނުން ކުރުމުގެ މައްސަލަ ހުންނަ ފަރާތްތަކަށް ފަރުވާ ދިނުމަށްޓަކައި މަސްތުވާތަކެއްޗާ ބެހޭ ޤާނޫނުގެ 47 ވަނަ މާއްދާގެ (ނ) އިން، ފަރުވާދޭ މަރުކަޒުތައް ޤާއިމުކޮށް ޚިދުމަތްދިނުމުގެ ފުރުޞަތު އަމިއްލަ ފަރާތްތަކަށް ލިބިދީފައިވާކަމަށެވެ. އެހެންކަމުން ރިހެބިލިޓޭޝަން ސެންޓަރެއް ނުވަތަ ޑިޓޮކްސިފިކޭޝަން ސެންޓަރެއް ހިންގުމަށް ޝައުގުވެރިވާ ފަރާތްތަކުން ނޭޝަނަލް ޑްރަގް އޭޖެންސީއަށް ވަޑައިގެން، މަޢުލޫމާތު ސާފުކުރުމަށްފަހު ޕްރޮޕޯސަލް ހުށައެޅުމަށް އެދޭކަމަށެވެ. އެގޮތުން އެންޑީއޭއިން ފުރުޞަތު ދީފައި ވަނީ ޕްރޮޕޯސަލް ހުށަހަޅާ ފަރާތުން ޚިޔާރުކުރާ ރަށެއްގައި ރިހެބިލިޓޭޝަން ސެންޓަރެއް ޤާއިމުކޮށް ހިންގުން، ނުވަތަ އެ އޭޖެންސީން މިހާރު ހިންގަމުންދާ ސެންޓަރުތަކުގެ ތެރެއިން ސެންޓަރެއް ހިންގުމެވެ.
ހަރުކަށި ފިކުރައްތޯ ރިހެބްކުރަނީ
އެ ޙާލުގައި އެތަށް ކުދި ބަޔަކު ބިކާރިވެ ތިބުންތޯ ރަގަޅީ؟؟
ނުނޭ މިފަހަރު ލާދީނީ ފިކުރުން ރިހެބުގެ ކަންތައްތައް ހިންގާނީ
ވ، ރަނގަޅު ކަމެއް
މިހަރު ތި ބޭނުންވަ ކަންތައްތައް ތިޔޮށްފަހިވަނީއުތަ. ބޭރުން އަންނަ ފަންޑްސް ފަޅާނާރާގޮތަށް ބޭނުންކުރެވޭނެ ނިޒާމެއްދޯ…. މުޅިން ގޯހެއްނޫން. އެކަމު ފަހަތުން ހަނާއަޅަމުން އެއަންނަ އެއަރޓިކެޓްތަކަށް ކުރާ ކާރަދު ދޯ މައްސަލަޔަކީ