ސިނޮފާމް ވެކްސިންގެ ދެވަނަ ޑޯޒް މާދަމާ މާލެ ސަރަޙައްދުގައި ދޭން ފަށަނީ

ކޮވިޑް-19އިން ރައްކާތެރިވުމަށް ޖަހާ ސިނޮފާމް ވެކްސިންގެ ދެވަނަ ޑޯޒް މާދަމާ މާލެ ސަރަޙައްދުގައި ދޭން ފަށާނެ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނެފިއެވެ.

Ads by STELCO

އެޗްޕީއޭއިން ނެރުނު އިއުލާނެއްގައި ބުނީ ސިނޮފާމް ވެކްސިންގެ ދެވަނަ ޑޯޒް މާދަމާ މާލެ ސަރަހައްދުގައި ދޭން ފަށާނެ ކަމަށާއި މާދަމާ ވެކްސިން ދޭނީ މިދިޔަ މަހުގެ 22 އާއި 23 ގައި އެ ވެކްސިންގެ ފުރަތަމަ ޑޯޒް ޖަހާފައިވާ ފަރާތްތަކަށް އެކަނި ކަމަށެވެ.

މާދަމާ ސިނޮފާމް ވެކްސިންގެ ދެވަނަ ޑޯޒް ޖަހައިދޭ ސެންޓަރުތަކާއި ގަޑިތައް:

• ޓްރީޓޮޕް ހޮސްޕިޓަލް: ހެނދުނު 10:00 އިން 12:00 (ރޯދަ ނޫން ފަރާތްތަކަށް) އަދި ރޭގަނޑު 8:30 އިން 11:00 އަށެވެ.
• ރައްޔިތުންގެ މަޖިލިސް: ރޭގަނޑު 9:30 އިން 11:00 އަށެވެ.

ޓްރީޓޮޕް ހޮސްޕިޓަލުގައި މިހާރު ވެސް ރޭގަނޑު 8:30 އިން 11:30 އަށް ސިނޮފާމް ވެކްސިންގެ ފުރަތަމަ ޑޯޒް ޖަހައިދެއެވެ.

މިހާތަނަށް ރާއްޖެއިން 281،848 މީހުން ވަނީ ވެކްސިން ޖަހައިފައެވެ. އޭގެތެރެއިން 45،817 މީހުން ވަނީ ކޮވިޑް-19 އިން ރައްކާތެރިވުމަށް ވެކްސިންގެ ދެ ޑޯޒް ފުރިހަމަ ކޮށްފައެވެ.