މާންދޫން ކޮވިޑަށް ފައްސިވި 3 މީހަކު ހާލު ދެރަވެ، މާލެ ގެނެސްފި
ލ. މާންދޫން ކޮވިޑް-19 އަށް ފައްސިވި 3 މީހަކު ހާލު ދެރަވެ، މާލެ ގެނެސްފިއެވެ.
ލ.ގަމު ރީޖަނަލް ހޮސްޕިޓަލުން ބުނީ އެ ތިން މީހުން މާލެ ފޮނުވާލާފައި ވަނީ ރޭގެ ވަގުތެއްގައި ކަމަށެވެ. މާލެ ފޮނުވާފައިވަނީ ސްރީލަންކާގެ ފިރިހެނަކާއި ނޭޕާލް ގެ ދެ ފިރިހެނުން ކަމަށް އެ ހޮސްޕިޓަލުން ވަނީ ބުނެފައެވެ.
ގަމު ރީޖަނަލް ހޮސްޕިޓަލުން އާންމުކުރި މައުލޫމާތުން ދައްކާގޮތުގައި މިހާތަނަށް ގަން،ފޮނަދޫ ސަރަހައްދުން 1166 ސާމްޕަލްއެއް ވަނީ ނަގައިފައެވެ. އޭގެ ތެރެއިން މިހާތަނަށް 259 މީހަކު ޕޮޒިޓިވްވި އިރު، 234 ސާމްޕަލްގެ ނަތީޖާ އަދި ނުލިބޭ ކަމަށް އެހޮސްޕިޓަލުން ބުނެއެވެ.
މާންދޫން ކޮވިޑް-19ގެ ކޭސްއެއް ފުރަތަމަ ފެނިފައި ވަނީ އޭޕްރީލް 23 ވަނަ ދުވަހުއެވެ. އެއާ އެކު މާންދޫ ވަނީ މޮނިޓަރިންގއަށް ލާފައެވެ. އޭގެ ފަހުން މިމަހުގެ 24 ވަނަ ދުވަހުގެ ރޭ ގަމުން މި ކްލަސްޓަރއާ ގުޅުން ހުރި ކޭސްއެއް ފެނި، ގަމާއި ފޮނަދޫ ވެސް ވަނީ މޮނިޓަރިންގއަށް ލައިފައެވެ.
އޭގެ ފަހުން މިމަހުގެ 28 ވަނަ ދުވަހު ދަނބިދޫން ވެސް މި ކްލަސްޓާއާ ގުޅުން ހުރި ބަޔަކު ފައްސިވެ، އެ ރަށް ވެސް ވަނީ މޮނިޓަރިންގއަށް ލައިފައެވެ.
