ފޮނަދޫން މުޖުތަމައު ތެރެއިން ބަލި ފެނިއްޖެ
ފޮނަދޫން ނެގި ރެންޑަމް ސާންޕަލްއަކުން މީހަކު ކޮވިޑް-19 އަށް ފައްސި ވެއްޖެއެވެ.
ފޮނަދޫ ސިއްޙީ މަރުކަޒުން މިމަހުގެ 2 ވަނަ ދުވަހާއި 3 ވަނަ ދުވަހު ރެންޑަމް ސާންޕަލް ނެގުމުގެ މަސައްކަތް ވަނީ ކުރިޔަށް ގެންގޮސްފައެވެ. ފޮނަދޫން ނެގި ރެންޑަމް ސާންޕަލްއިން މީހަކު ބައްޔަށް ފައްސިވިއިރު، އެއަތޮޅުގައި މިހާރު އޮތް މާންދޫ ކްލަސްޓަރ އިން 15 މީހަކު އެރަށުން ފައްސިވެފައިވާކަން ފާހަގަކޮށްލެވެއެވެ.
މީގެ ތެރޭގައި ދޯންޏެއްގައި އުޅުމަށް ފަހު ބަލީގެ އަލާމަތް ހުރެގެން ޓެސްޓް ކުރި ފަރާތްތަކާއި އެފަރާތުގެ ކޮންޓެކްޓެއްވެސް ފައްސިވި މީހުންގެ ތެރޭގައި ހިމެނެއެވެ. މިއާއެކު އެރަށުން ކޮވިޑް-19 ޖެހިފައިވާ މީހުންގެ އަދަދު ވަނީ 16އަށް އަރައިފައެވެ.
ކޮމެންޓް